اماندىق باتالوۆ ءوز بايانداماسىندا جەتىسۋ وڭىرىندە قانت قىزىلشاسىنىڭ ونىمدىلىگى ارتىپ، بيىلعى جىلى گەكتارىنان ورتاشا 405 سەنتنەردى قۇراعانىن، جەكەلەگەن شارۋاشىلىقتاردا – 600-800 سەنتنەر بولعانىن جەتكىزدى.
– وسى جىلى اقسۋ قانت زاۋىتىندا جومدى كەپتىرۋگە جانە بريكەتتەۋگە ارنالعان جابدىقتار ورناتىلدى. جوم – ءىرى قارا مالىن سەمىرتۋدە تاپتىرمايتىن ازىق. ول مالعا تاۋلىگىنە 1،2 كەلى سالماق قوسادى. سوندىقتان وبلىستاعى بورداقىلاۋ الاڭدارى ءۇشىن بۇل قاجەتتى ءونىم بولماق.
سول سياقتى 2020 جىلدان باستاپ اقسۋ جانە كوكسۋ قانت زاۋىتتارى قانت قۇراعى شيكىزاتىن وڭدەۋدى باستايدى، بۇل 2023 جىلعا قاراي 300 مىڭ توننا اق قانت شىعارىپ، ەلدىڭ 485 مىڭ توننالىق سۇرانىسىنىڭ 60 پايىزدان استامىن جابۋعا مۇمكىندىك بەرەدى، – دەدى الماتى وبلىسىنىڭ اكىمى ا. باتالوۆ.
الماتى وبلىسى اكىمىنىڭ باسپا ءسوز قىزمەتى
