بەكشين الماتىدا ينفەكسيا جۇقتىرۋشىلار سانى كۇن سايىن ارتىپ كەلە جاتقانىن ايتتى. سوندىقتان دەمالىس كۇندەرى كارانتيندى قاتايتۋ تۋرالى شەشىم قابىلداندى.
ءبىز شەكتەۋ شارالارىن كۇشەيتۋدى جالعاستىرۋىمىز كەرەك، ويتكەنى ارى قاراي بولمايدى. بۇگىنگى كۇنى بىزدە 3 400 توسەك-ورىن بار، ونىڭ قامتىلۋ كولەمى 40% -دان اسپايدى. ودان بولەك بىزدە 7 مىڭ توسەك-ورىن بار، ءبىراق بۇل رەزەرۆتىڭ دە تەز تۇگەسىلۋى مۇمكىن. ماسەلەن، ەگەر كۇنىنە 5 مىڭ ادام اۋرۋحاناعا تۇسسە، وندا 1 ينكۋباسيالىق كەزەڭ ىشىندە بارلىق توسەك-ورىن تولىقتاي قامتىلادى. سوندىقتان بۇعان جول بەرىلمەيدى. وسى جاعىنان العاندا، ەگەر كۇنىنە 300 ادام اۋرۋحاناعا تۇسسە، ارينە، قالا لوكداۋنعا جابىلادى. ەگەر شارا قولدانباساڭىزدار، وندا تولىعىمەن جابىلۋعا ءماجبۇر بولامىز. ءقازىر دە كەش ەمەس، وسى ءساتتى جىبەرىپ الماۋىمىز كەرەك، - دەدى قالانىڭ باس سانيتارلىق دارىگەرى.
سودان كەيىن ول لوكداۋننىڭ قانداي بولاتىنىن ءتۇسىندىردى.
ساۋدا ورتالىقتارىنىڭ، تاماقتانۋ ورىندارىنىڭ، ساۋدا-ساتتىق پەن قىزمەتتەرگە تولىقتاي تىيىم سالىنۋى مۇمكىن. نىساندار جۇمىسىن توقتاتادى، وڭىرلەرمەن بايلانىس تىيىلادى، - دەدى ول.
بەكشين بيلىك جاعدايدى تۇراقتاندىرۋ جانە "قىزىل" ايماقتان شىعۋ ءۇشىن قوسىمشا شارالار قابىلدايتىنىن اتاپ ءوتتى.
10 ناۋرىزدا الماتى "قىزىل" ايماققا ەندى. بۇگىن، 15 ناۋرىزدا قازاقستاندا ينفەكسيانىڭ 1 011 جاعدايى تىركەلدى. بارلىق جاعدايلاردىڭ كوپشىلىگى الماتى قالاسىندا تىركەلگەن (342 جاعداي).
