Bekshın Almatyda ınfeksıa juqtyrýshylar sany kún saıyn artyp kele jatqanyn aıtty. Sondyqtan demalys kúnderi karantındi qataıtý týraly sheshim qabyldandy.
Biz shekteý sharalaryn kúsheıtýdi jalǵastyrýymyz kerek, óıtkeni ary qaraı bolmaıdy. Búgingi kúni bizde 3 400 tósek-oryn bar, onyń qamtylý kólemi 40% -dan aspaıdy. Odan bólek bizde 7 myń tósek-oryn bar, biraq bul rezervtiń de tez túgesilýi múmkin. Máselen, eger kúnine 5 myń adam aýrýhanaǵa tússe, onda 1 ınkýbasıalyq kezeń ishinde barlyq tósek-oryn tolyqtaı qamtylady. Sondyqtan buǵan jol berilmeıdi. Osy jaǵynan alǵanda, eger kúnine 300 adam aýrýhanaǵa tússe, árıne, qala lokdaýnǵa jabylady. Eger shara qoldanbasańyzdar, onda tolyǵymen jabylýǵa májbúr bolamyz. Qazir de kesh emes, osy sátti jiberip almaýymyz kerek, - dedi qalanyń bas sanıtarlyq dárigeri.
Sodan keıin ol lokdaýnnyń qandaı bolatynyn túsindirdi.
Saýda ortalyqtarynyń, tamaqtaný oryndarynyń, saýda-sattyq pen qyzmetterge tolyqtaı tyıym salynýy múmkin. Nysandar jumysyn toqtatady, óńirlermen baılanys tyıylady, - dedi ol.
Bekshın bılik jaǵdaıdy turaqtandyrý jáne "qyzyl" aımaqtan shyǵý úshin qosymsha sharalar qabyldaıtynyn atap ótti.
10 naýryzda Almaty "qyzyl" aımaqqa endi. Búgin, 15 naýryzda Qazaqstanda ınfeksıanyń 1 011 jaǵdaıy tirkeldi. Barlyq jaǵdaılardyń kópshiligi Almaty qalasynda tirkelgen (342 jaǵdaı).
