بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە قالالىق ءبىلىم باسقارماسىنىڭ تەحنيكالىق پەن كاسىپتىك ءبىلىم بەرۋ ءبولىمىنىڭ باسشىسى اسەت مۇحانبەتوۆ مالىمدەدى.
ءا. مۇحانبەتوۆتىڭ ايتۋىنشا، مەديسينالىق ماماندىقتارعا تۇسەتىن تالاپكەر مەديسينالىق كوللەدجدە پسيحومەتريالىق تەستىلەۋدەن ءوتۋى ءتيىس.
پەداگوگيكالىق ماماندىقتارعا تۇسكىسى كەلەتىندەر كاسىبي جارامدى ارنايى ەمتيحانىن تاپسىرادى. بۇل ەمتيحان پەداگوگيكالىق كوللەدجدە وتەدى.
«ساۋلەت»، «ديزاين» ماماندىقتارىنا وقۋعا تۇسەتىن تالاپكەر ەكى شىعارماشىلىق ەمتيحان تاپسىرادى: ءبىرىنشىسى – سۋرەت سالۋ مەن جيۆوپيس، ەكىنشىسى – كومپوزيسيا.
ورتا بۋىن ماماندارىنا (تەحنولوگتار، تەحنيكتەر، سەرۆيس پەن ت.ب.) وقۋعا تۇسكىسى كەلەتىندەر ارنايى شىعارماشىلىق ەمتيحان تاپسىرمايدى. سوندىقتان مەملەكەتتىك تاپسىرىس بويىنشا ورىنداردى تاعايىنداۋ كونكۋرسى نەگىزىندە بەيىندىك پاندەرىنىڭ باعالارىن سارالاۋ ارقىلى وتەدى.
الماتى كوللەدجدەرىنە ءتۇسۋ بويىنشا كونكۋرستىڭ ءبىرىنشى كەزەڭى 21 مەن 24 تامىز ارالىعىندا وتەدى. مەملەكەتتىك تاپسىرىس 9-سىنىپ بىتىرگەن تالاپكەرلەر اراسىندا بولادى. قالعان مەملەكەتتىك تاپسىرىس ورىندارى 25 مەن 28 تامىز ارالىعىندا 11-سىنىپ تۇلەكتەرى اراسىندا وتەدى.
9-سىنىپ تالاپكەرلەرىنىڭ باعاسىن ەسەپتەۋ 25 تامىزعا دەيىن، ال 11-سىنىپ تۇلەكتەرىنىكى 29 تامىزعا دەيىن جۇرگىزىلەدى. ۇپاي سانى تەڭ بولعان كەزدە كۆوتالىق سانات پەن اتتەستاتتىڭ ورتاشا ۇپايى ەسكەرىلەدى.
ءارى قاراي كونكۋرس ناتيجەلەرىنە سايكەس تالاپكەر كوللەدجگە قۇجاتتار تاپسىرادى. ءبىلىم الۋشىلاردى ناقتى قابىلداۋ نەگىزىندە كوللەدجدەر اراسىندا مەملەكەتتىك تاپسىرىس بەكىتىلەدى.
ايتا كەتەرلىگى، ءا. مۇحانبەتوۆ كوللەدجدەن كەيىن جۇمىسقا ورنالاسۋ ءۇشىن الاڭداماۋعا شاقىردى. ستاتيستيكا بويىنشا الماتى تۇلەكتەرىنىڭ 76%-ى جۇمىس تابادى. قالعان تۇلەكتەر جوو-دا وقۋىن جالعاستىرادى.
