Almaty kolledjderine oqýǵa túsý jeńildedi
Bul týraly Óńirlik kommýnikatsiialar qyzmetinde ótken brifingte qalalyq Bilim basqarmasynyń tehnikalyq pen kásiptik bilim berý bóliminiń basshysy Áset Muhanbetov málimdedi.
Á. Muhanbetovtyń aitýynsha, meditsinalyq mamandyqtarǵa túsetin talapker meditsinalyq kolledjde psihometriialyq testileýden ótýi tiis.
Pedagogikalyq mamandyqtarǵa túskisi keletinder kásibi jaramdy arnaiy emtihanyn tapsyrady. Bul emtihan pedagogikalyq kolledjde ótedi.
«Sáýlet», «Dizain» mamandyqtaryna oqýǵa túsetin talapker eki shyǵarmashylyq emtihan tapsyrady: birinshisi – sýret salý men jivopis, ekinshisi – kompozitsiia.
Orta býyn mamandaryna (tehnologtar, tehnikter, servis pen t.b.) oqýǵa túskisi keletinder arnaiy shyǵarmashylyq emtihan tapsyrmaidy. Sondyqtan memlekettik tapsyrys boiynsha oryndardy taǵaiyndaý konkýrsy negizinde beiindik pánderiniń baǵalaryn saralaý arqyly ótedi.
Almaty kolledjderine túsý boiynsha konkýrstyń birinshi kezeńi 21 men 24 tamyz aralyǵynda ótedi. Memlekettik tapsyrys 9-synyp bitirgen talapkerler arasynda bolady. Qalǵan memlekettik tapsyrys oryndary 25 men 28 tamyz aralyǵynda 11-synyp túlekteri arasynda ótedi.
9-synyp talapkerleriniń baǵasyn esepteý 25 tamyzǵa deiin, al 11-synyp túlekteriniki 29 tamyzǵa deiin júrgiziledi. Upai sany teń bolǵan kezde kvotalyq sanat pen attestattyń ortasha upaiy eskeriledi.
Ári qarai konkýrs nátijelerine sáikes talapker kolledjge qujattar tapsyrady. Bilim alýshylardy naqty qabyldaý negizinde kolledjder arasynda memlekettik tapsyrys bekitiledi.
Aita keterligi, Á. Muhanbetov kolledjden keiin jumysqa ornalasý úshin alańdamaýǵa shaqyrdy. Statistika boiynsha Almaty túlekteriniń 76%-y jumys tabady. Qalǵan túlekter JOO-da oqýyn jalǵastyrady.
