8 ءساۋىر مەن 8 مامىر ارالىعىندا قالادا «الماتى – ءبىزدىڭ ورتاق ءۇيىمىز» ناۋقانى وتەدى. قالانىڭ بارلىق اۋدانىن قامتيتىن ناۋقانعا الماتىنىڭ ءاربىر تۇرعىنى مەن قوناعى قاتىسا الادى.
«الماتى – ءبىزدىڭ ورتاق ءۇيىمىز» ناۋقانىنىڭ باستى ماقساتى - قالالىق ينفراقۇرىلىمعا ۇقىپتى قاراۋ قۇندىلىعىن قالىپتاستىرۋ، حالىق اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋ، جەكە ەكولوگيالىق باستامالاردى قولداۋ مەن ىسكە اسىرۋعا جاعداي جاساۋ.
ناۋقان 4 نەگىزگى كەزەڭگە بولىنگەن:
1. «ءبىزدىڭ قالا – ءبىزدىڭ كوشەلەر» (8-14 ءساۋىر) - قالالىق ينفراقۇرىلىمدى: جولدى، جەر ءۇستى جانە جەر استى جاياۋ جۇرگىنشىلەر وتكەلدەرىن، ايالداما كەشەندەرىن، باعدارشامداردى، جارىق بەرۋ قۇرالدارىن، بەلگىلەردى، تۋريستىك توتەمدەردى، قوعامدىق دارەتحانالاردى تازالاۋ جانە رەتكە كەلتىرۋ اپتالىعى. دەزينفەكسيا جانە دەزينسەكسيا جۇرگىزە وتىرىپ، ليۋكتەر اۋىستىرىلادى، قوقىس جاشىكتەرى جوندەلەدى.
2. «ءبىزدىڭ قالا – ءبىزدىڭ اۋلا، ءبىزدىڭ ءۇي» (15-21 ءساۋىر): كوشەت وتىرعىزۋ اپتالىعى. اۋلالار مەن ويىن الاڭدارى جوندەلىپ، رەتكە كەلتىرىلەدى. اۋلالار مەن ەسىك الدىنداعى شاعىن باقتى كوگالداندىرعىسى كەلەتىندەرگە كوشەت، جەكە ۇيلەردىڭ قورشاۋىن سىرلاعىسى كەلەتىندەرگە بوياۋ بەرىلەدى. وسى كەزەڭدە ءتۇرلى شىعارماشىلىق ءارى ەكولوگيالىق ءىس-شارالار باستالادى – «جاس جۇبايلار» كرەاتيۆتى ەكو-حابى مەن اللەيا اشۋ، «ەكو-مارافون» پلوگگينگى، ءدامحانالار مەن مەيرامحانالاردا تاماق قالدىقتارىن جيناۋ جوباسى؛ «تازا ويىندار» اكسياسى، «مەرزىمى وتكەن دارى-دارمەكتى وتكىزىڭىز – تابيعاتتى ساقتاڭىز»؛ «ۇزدىك اۋلا»، "ۇزدىك شاعىن ب ا ق»، «كوممۋنالدىق قىزمەتتىڭ ۇزدىك قىزمەتكەرى» بايقاۋلارى، «جاسىل پلانەتا – ءبىزدىڭ ورتاق ءۇيىمىز» مەكتەپ سۋرەتتەرى بايقاۋى جانە ت.ب. 20 ءساۋىر كۇنى جالپىقالالىق سەنبىلىك جوسپارلانعان.
3. «ءبىزدىڭ قالا - ءبىزدىڭ تاۋ، وزەن مەن كولدەر» (22-28 ءساۋىر): جاعالاۋلار مەن سۋ ايدىندارىن، ساياباقتاردى، سكۆەرلەر مەن تاۋ بوكتەرىن تازالاۋ اپتالىعى.
4. «ءبىزدىڭ قالا – ءبىزدىڭ ماقتانىش» (29 ءساۋىر – 8 مامىر): ەسكەرتكىشتەر مەن مادەنيەت نىسانداردى تازالاۋ اپتالىعى. سوڭعى اپتادا قالاداعى سۋبۇرقاقتار ىسكە قوسىلىپ، ناۋقانعا بەلسەندى تۇردە قاتىسقان تۇرعىندار سىيلىقتارمەن ماراپاتتالادى.
ناۋقان قورىتىندىسى بويىنشا 1765 ايالداما پاۆيلونى، 480 باعدارشام نىسانى، 56 جەر استى جانە 78 جەر ءۇستى وتكەلى، 1500 قوقىس الاڭى، 24747 قوقىس جاشىگى، 15454 ورىندىق، 161 ەسكەرتكىش جۋىلىپ، جوندەۋدەن وتەدى. قالانىڭ كوممۋنالدىق قىزمەتى 153 ساياباق پەن سكۆەردى، 1349 كم ارىق جەلىسىن، 4468 كم كوشە مەن تروتۋاردى، 235 ليۋكتى تازالايدى. ناۋقان اياسىندا 3420 جارىق نۇكتەسى، 650 بەلگى جاڭارتىلىپ، 20 مىڭنان استام اعاش پەن بۇتا وتىرعىزىلادى. 1 مامىردا قالادا 65 سۋبۇرقاق ىسكە قوسىلادى.
«الماتى – ءبىزدىڭ ورتاق ءۇيىمىز» ەكولوگيالىق ناۋقانىن وتكىزۋ فورماتى، قاتىسۋ شارتى، مەكەنجايى جانە بايلانىس ءنومىرى تۋرالى قوسىمشا اقپارات اlmaty.kz سايتىندا جانە الماتى اكىمدىگىنىڭ الەۋمەتتىك جەلىلەردەگى پاراقشاسىندا جاريالانادى. سونداي-اق، ۆەب-سايتقا جاقىندا بۇكىل قالاعا ىلىنەتىن باننەر، پوستەر جانە افيشاداعى ارنايى QR-كود ارقىلى كىرۋگە بولادى.
بۇگىننەن باستاپ، ءبىر اي بويى ءبىز «الماتى – ءبىزدىڭ ورتاق ءۇيىمىز» ناۋقانىن باستايمىز جانە وتكىزەمىز. ماقسات - ءبىزدىڭ سۇيىكتى قالامىز ودان دا جاقسى جانە ادەمى بولۋى ءۇشىن بارلىق نيەتتەس تۇرعىنداردى بىرىكتىرۋ. بۇل تەك تازالىق پەن تارتىپكە عانا ەمەس، سونىمەن بىرگە ءوزىمىز بىرگە جاساعان قۇندىلىقتارعا ۇقىپتى قاراۋعا دا قاتىستى.
ۇلكەن ىستەر كىشىدەن باستالادى. ۇلى اباي ايتقانداي، «ءوزىن تاربيەلەي بىلمەگەن، وزگەگە ونەگە كورسەتە المايدى». سوندىقتان يگى ىستەردى وزىمىزدەن، ۇيىمىزدەن، اۋلامىزدان باستايىق. الماتىلىقتار ۇنەمى ءوز قالاسىنا ەرەكشە قۇرمەتپەن قاراۋ ارقىلى ەرەكشەلەنەدى. ارينە، مەن اركىمنىڭ جەكە ىستەرى بار ەكەنىن تۇسىنەمىن، ءبىراق قالامىز بىرەۋ ءارى بارىمىزگە ورتاق.
مەنىڭ تاپسىرمام بويىنشا بارلىق قالالىق كوممۋنالدىق قىزمەتتەر، اۋدان اكىمدىكتەرى الداعى ناۋقانعا بەلسەندى قاتىسادى. بارلىق ءىس-شارالار قالا اتىنان قاجەتتى رەسۋرستارمەن قامتاماسىز ەتىلگەن.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.
