الماتى حالىقارالىق ەۋەجايى ٶرت قاۋٸپسٸزدٸگٸ تالاپتارىن ساقتاماعانى ٷشٸن 2,16 ملن تەڭگە كٶلەمٸندە ايىپپۇلعا تارتىلدى. بۇزۋشىلىقتار نىسان اۋماعىندا جەنە حالىقارالىق تەرمينالدا انىقتالعان, دەپ حابارلايدى Dalanews.kz.
سوت الماتى حالىقارالىق ەۋەجايى ازاماتتىق قورعاۋ ورگاندارىنىڭ نۇسقاماسىن ورىنداماعانى ٷشٸن جاۋاپقا تارتىلعانىن مەلٸمدەدٸ. بەلگٸلەنگەن مەرزٸمدە تٷركسٸب اۋدانىنىڭ تٶتەنشە جاعدايلار باسقارماسى انىقتاعان كەمشٸلٸكتەر جويىلماعان.
اتاپ ايتقاندا, كونتەينەرلەردٸڭ ٶرتكە قارسى تالاپتاردى بۇزا وتىرىپ ورنالاستىرىلۋى جەنە ت-2 تەرمينالىنداعى جوسپارلاۋ ٶزگەرٸستەرٸ ٶرت قاۋٸپسٸزدٸگٸ جٷيەلەرٸنٸڭ جۇمىسىنا ەسەر ەتكەنٸ كٶرسەتٸلگەن.
سوت ەۋەجايدى قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 462-بابىنىڭ 3-بٶلٸگٸ بويىنشا كٸنەلٸ دەپ تانىپ, 500 ايلىق ەسەپتٸك كٶرسەتكٸش مٶلشەرٸندە - 2 162 500 تەڭگە ايىپپۇل سالدى.
سونىمەن بٸرگە سوت ەۋەجاي قىزمەتٸن توقتاتپاۋ تۋرالى شەشٸم قابىلدادى. مۇنداي شارانىڭ ايتارلىقتاي ەلەۋمەتتٸك-ەكونوميكالىق سالدارى بولۋى مٷمكٸن ەكەنٸ ەسكەرٸلگەن.
