Almaty halyqaralyq áýejaiy órt qaýipsizdigi talaptaryn saqtamaǵany úshin 2,16 mln teńge kóleminde aiyppulǵa tartyldy. Buzýshylyqtar nysan aýmaǵynda jáne halyqaralyq terminalda anyqtalǵan, dep habarlaidy Dalanews.kz.
Sot Almaty halyqaralyq áýejaiy azamattyq qorǵaý organdarynyń nusqamasyn oryndamaǵany úshin jaýapqa tartylǵanyn málimdedi. Belgilengen merzimde Túrksib aýdanynyń tótenshe jaǵdailar basqarmasy anyqtaǵan kemshilikter joiylmaǵan.
Atap aitqanda, konteinerlerdiń órtke qarsy talaptardy buza otyryp ornalastyrylýy jáne T-2 terminalyndaǵy josparlaý ózgeristeri órt qaýipsizdigi júieleriniń jumysyna áser etkeni kórsetilgen.
Sot áýejaidy QR Ákimshilik quqyq buzýshylyq týraly kodeksiniń 462-babynyń 3-bóligi boiynsha kináli dep tanyp, 500 ailyq eseptik kórsetkish mólsherinde - 2 162 500 teńge aiyppul saldy.
Sonymen birge sot áýejai qyzmetin toqtatpaý týraly sheshim qabyldady. Mundai sharanyń aitarlyqtai áleýmettik-ekonomikalyq saldary bolýy múmkin ekeni eskerilgen.
