«جاڭا ەلٸپبي جاڭا دەۋٸر باستاۋى» اتتى الماتى وبلىسىنىڭ اقپاراتتىق توپ مٷشەلەرٸ كەزەكتٸ تٷسٸندٸرمە جۇمىسىمەن كەربۇلاق اۋدانىنا باردى. مەدەنيەت ٷيٸندە ٶتكەن جيىنعا كٷرەڭبەلدٸكتەر تٷگەل جينالىپتى.
كٷن تەرتٸبٸندەگٸ العاشقى سٶز الماتى وبلىسىنىڭ تٸلدەردٸ دامىتۋ جٶنٸندەگٸ باسقارماسىنىڭ باسشىسى ايدار باشباەۆ الىپ, لاتىن تاڭباسىنا ٶتۋدٸڭ ماڭىزىن تٷسٸندٸردٸ.
– ەلٸپبيٸدٸ ٶزگەرتۋ – ٶتە ماڭىزدى ٸس. بۇل بٸر قارٸپتٸڭ ەكٸنشٸ بٸر قارٸپكە اۋىسا قويۋمەن شەكتەلمەيدٸ. ەلٸپبيدٸڭ اۋىسۋى ەلدٸڭ ساناسىنا, دٷنيەتانىمىنا, ويىنا ەسەر ەتپەك.
«جەر شارىنداعى xالىقتىڭ ٷشتەن بٸر بٶلٸگٸ لاتىن ەلٸپبيٸن قولدانادى» – كەربۇلاق اۋدانىندا ٶتكەن جيىندا «نۇر وتان» پارتيياسى الماتى وبلىستىق فيليالى تٶراعاسىنىڭ بٸرٸنشٸ ورىنباسارى, توپتىڭ بەلدٸ مٷشەسٸ عالياسقار سارىباەۆ وسىلاي دەدٸ.
– لاتىن ەلٸپبيٸنە كٶشۋگە قاتىستى «نۇر وتان» پارتيياسى ساياسي تالداۋ جەنە ستراتەگييالىق زەرتتەۋ ورتالىعى ارنايى زەرتتەۋ جٷرگٸزگەن ەدٸ. وسىعان قاتىستى جٷرگٸزٸلگەن ساۋالنامانىڭ قورتىنىدىسى بويىنشا قازاقستاندىقتاردىڭ 93,3 پايىزى قازاق ەلٸپبيٸن لاتىن قارپٸنە كٶشٸرۋ تۋرالى تولىعىمەن حاباردار بولدى. رەفورمامەن تانىس رەسپوندەنتتەردٸڭ 60 پايىزى لاتىن ەلٸپبيٸنە كٶشۋدٸ تولىعىمەن قولدادى, 44,6 پايىزى لاتىن گرافيكاسىنا كٶشەتٸن بولساق باسقا ەلدەردٸڭ الدىندا بٸزدٸڭ يميدجٸمٸز ارتاتىنىن ايتتى.
بٸز ٷش جاڭعىرۋدان ٶتتٸك. ەڭ الدىمەن ساياسي-ەكونوميكالىق, ەكٸنشٸ تەحنولوگييالىق جاڭعىرۋ, ٷشٸنشٸسٸ ول رۋحاني جاڭعىرۋىمىز بولىپ تابىلادى.
رۋحاني جاڭعىرۋ دەگەنٸمٸز – ادامنىڭ سانا-سەزٸمٸن ٶزگەرتۋ, تەۋەلسٸزدٸكتٸ ساقتاپ قالۋ. وسىعان وراي ەلباسىنىڭ بەس ينستيتۋتسيونالدىق رەفورماسى, ۇلت جوسپارى –100 ناقتى قادام قابىلداندى. وسى 100 ناقتى قادامنىڭ بٸر قادامى وسى تٸل مەسەلەسٸنە, تٸل ساياساتىنا باعىتتالعان. بٷگٸنگٸ كٷنٸ بٸز وسى 100 ناقتى قادامنىڭ 57-ٸن تولىعىمەن ورىندادىق. 2018 جىلدىڭ اياعىنا دەيٸن 100 ناقتى قادامنىڭ 90 پايىزىن ورىندايتىن بولامىز. ياعني, 2020 جىلى بٸز مۇنى تولىق ورىنداپ بٸتٸپ, الدىڭعى قاتارلى 30 ەلدٸڭ قاتارىنا كٸرەمٸز – دەگەن عالياسقار تٶلەندٸۇلى ٶز سٶزٸندە لاتىن گرافيكاسىنا ٶتۋدٸڭ بٸرنەشە پرينتسيپتەرٸن دە تٸلگە تيەك ەتتٸ.
جيىن بارىسىندا توپتىڭ ٶزگە دە مٷشەلەرٸ سٶز الىپ, لاتىن ەلٸپبيٸنە قاتىستى ورامدى ويلارىن ورتاعا سالىپ, كٶپشٸلٸك قويعان ساۋلدارعا دا جاۋاپ بەردٸ.
«بۇل جاڭا باستامادا مۇعالٸمدەر ەرەكشە بەلسەندٸلٸك تانىتۋى تيٸس. سەبەبٸ كەزەڭ-كەزەڭمەن كٶشەتٸن لاتىن گرافيكاسىن بالا ساناسىنا سٸڭٸرۋدە مەكتەپ مۇعالٸمدەرٸنٸڭ الار ورنى ايرىقشا. ەندەشە, بەرٸمٸز بٸرٸگٸپ وسى جۇمىسقا بەل سىبانا كٸرٸسەيٸك» – دەدٸ باسقوسۋدا سٶز العان وبلىستىق بٸلٸم باسقارماسىنىڭ قىزمەتكەرٸ ەلۆيرا دوساەۆا.
وسى كٷنٸ توپ مٷشەلەرٸ اۋدانعا قاراستى قىزىلجار ەلدٸ مەكەنٸنٸڭ حاقىمەن دە جٷزدەسٸپ, لاتىن گرافيكاسىنا ٶتۋدٸڭ ماڭىزىن تٷسٸندٸرٸپ قايتتى.
كٶشپەلٸ وتىرىس بارىسىندا سٶز العان تۇرعىندار تاراپى لاتىن گرافيكاسىنا كٶشۋدٸ قولدايتىندىقتارىن ايتتى.
https://dalanews.kz/31877
