"التىن دومبىرا" يەگەرٸ ماقسات اقانوۆ الداعى التى ايعا ايتىستان شەتتەتٸلدٸ. بۇل تۋرالى ايتىس وداعىنىڭ تٶراعاسى امانجول ەلتاي مەلٸمدەدٸ. بۇل تۋرالى ايتىس وداعىنىڭ تٶراعاسى امانجول ەلتاي مەلٸمدەدٸ, دەپ حابارلايدى dalanews.kz.
وقيعا ماڭعىستاۋ وبلىسىنداعى شايىر اۋىلىنىڭ 100 جىلدىعىنا ارنالعان ايتىستان كەيٸن قوعام تالقىسىنا تٷستٸ. ەلەۋمەتتٸك جەلٸدە تاراعان بەينەجازبادا اقىننىڭ سٶزدەرٸ مەن ساحناداعى ەرەكەتٸ سىنعا الىندى. جەلٸ قولدانۋشىلارى ونى ايتىس ەدەبٸ مەن ساحنا مەدەنيەتٸنە قايشى دەپ باعالادى.
امانجول ەلتايدىڭ ايتۋىنشا, اتالعان ايتىس ايتىس وداعىنىڭ جوسپارىنا كٸرمەگەن. ونى جەرگٸلٸكتٸ ازاماتتار جەكە كەسٸپكەرلەردٸڭ دەمەۋشٸلٸگٸمەن ۇيىمداستىرعان.
"ماقسات اقانوۆتى الداعى جارتى جىلدا ايتىستارعا قاتىستىرماۋ جٶنٸندە شەشٸم قابىلداندى. شايىر اۋىلىندا ورىن العان كەلەڭسٸزدٸك بٸزدٸڭ دە قابىرعامىزعا باتۋدا", – دەدٸ امانجول ەلتاي.
وداق تٶراعاسى بٸر اقىننىڭ ەرەكەتٸ ٷشٸن بٷكٸل ايتىسكەر قاۋىمدى كٸنەلاۋعا بولمايتىنىن اتاپ ٶتتٸ. سونداي-اق ٶزٸ ۇيىمداستىراتىن ايتىستاردا اقىنداردىڭ ەدەبٸ مەن ساحنا مەدەنيەتٸنٸڭ ساقتالۋىنا ەرەكشە مەن بەرٸلەتٸنٸن جەتكٸزدٸ.
ەلەۋمەتتٸك جەلٸدە تاراعان بەينەجازباعا Facebook بەلسەندٸسٸ نۇرگٷل حاسانوۆا پٸكٸر بٸلدٸرٸپ, اقىننىڭ ەرەكەتٸن سىنعا الدى.
"مىناۋ نە ماسقارا, نە كٶرگەنسٸزدٸك! “كٷنٸ كەشە شايىر اۋىلىنىڭ 100 جىلدىعىندا بولعان جاعداي” دەيدٸ. WhatsApp ارقىلى كەلٸپ جاتىر. “اياعى لاس تٶردٸ بىلعايدى, اۋزى لاس ەلدٸ بىلعايدى” دەگەن, اۋزىنا كەلگەنٸن كٶكٸپ وتىرعان مىنانى جەلكەلەپ ساحنادان قۋىپ شىعاتىن بٸر نامىستى ادام بولماعانى ما سول جەردە?! جٷز جەردەن “جۇلدىز”, مىڭ جەردەن “دٷلدٷل” بولسا دا! مىناۋ نە باسىنۋ, نە تايراڭداۋ?! ايتىستىڭ ەدەبٸ, ساحنا مەدەنيەتٸ قايدا?! ايتىستى ۇيىمداستىرۋشىلار مەن قازىلار القاسى نە قاراپ وتىر?! ەلدٸ سىيلاماۋ, جەردٸ قورلاۋ, تۇتاس حالىقتى ادام قۇرلى كٶرمەي, ار-نامىسىن تاپتاۋ عوي بۇل!" – دەپ جازدى نۇرگٷل حاسانوۆا.
ايتا كەتەيٸك, ماقسات اقانوۆ - 2023 جىلعى "التىن دومبىرا" رەسپۋبليكالىق ايتىسىنىڭ جەڭٸمپازى. سونداي-اق 2025 جىلى سەمەيدە ٶتكەن "ادامزاتتىڭ ابايى" رەسپۋبليكالىق ايتىسىندا باس جٷلدەنٸ يەلەنگەن.
