AMANAT پارتيياسى فراكتسيياسىنىڭ كەڭەيتٸلگەن وتىرىسىندا پرەمەر-مينيستر ولجاس بەكتەنوۆ تسيفرلاندىرۋ مەن ەلەۋمەتتٸك قولداۋ جٷيەسٸندەگٸ پروتسەستەردٸ وڭتايلاندىرۋ تيٸمسٸز شىعىنداردى ايتارلىقتاي قىسقارتقانىن اتاپ ٶتتٸ, دەپ حابارلايدى Dalanews.kz.
"قازٸر ەڭبەك مينيسترلٸگٸ ەلەۋمەتتٸك شىعىندار بويىنشا مەملەكەتكە تٷسەتٸن جٷكتەمەنٸ وڭتايلاندىرۋعا باعىتتالعان جۇمىستاردى بەلسەندٸ تٷردە جٷرگٸزٸپ جاتىر. مۇنداعى مەسەلە شىن مەنٸندە كٶمەككە مۇقتاج ادامدارعا كٶرسەتٸلەتٸن جەردەمدٸ قىسقارتۋ ەمەس. مەسەلە – بارلىق پارامەتر بويىنشا مۇقتاجدار ساناتىنا جاتپايتىن ادامداردى ەلەۋمەتتٸك قولداۋ جٷيەسٸنەن شىعارۋ تۋرالى بولىپ وتىر. قازٸر بٸز تسيفرلىق وتباسى كارتاسىنىڭ كٶمەگٸمەن قازاقستان حالقىن 6 ساناتقا بٶلدٸك. التىنشى ساناتقا – ٷيٸ, اۆتوكٶلٸگٸ, جۇمىسى بار, بٸراق سوعان قاراماستان مەملەكەتتەن ەلەۋمەتتٸك تٶلەمدەر الىپ وتىرعان ادامدار جاتادى", – دەپ اتاپ ٶتتٸ پرەمەر-مينيستر.
قازٸرگٸ ۋاقىتتا سكورينگتٸك جٷيەنٸ ەنگٸزۋ بويىنشا پيلوتتىق جوبا قاراعاندى مەن شىمكەنت قالالارىندا جٷزەگە اسىرىلۋدا, كەيٸن ول ەلٸمٸزدٸڭ بارلىق ٶڭٸرلەرٸنە تاراتىلماق.
"وسى جۇمىستىڭ نەتيجەسٸندە 2024 جەنە 2025 جىلدارى بٸز 280 ملرد تەڭگەدەن استام – شامامەن 290 ملرد تەڭگەنٸ ٷنەمدەي الدىق. بۇل نەگٸزٸنەن جەرگٸلٸكتٸ بيۋدجەتتەردٸڭ قاراجاتى. كەلەسٸ جىلى, بٸزدٸڭ ەسەبٸمٸزشە, تاعى كەمٸندە 165 ملرد تەڭگەنٸ ٷنەمدەي الامىز. ياعني, بۇل بٸز باسىم باعىتتارعا باعىتتاي الاتىن ايتارلىقتاي ٷلكەن قاراجات. سٸزدەر بٸلەسٸزدەر دەپ ويلايمىن, كەي ٶڭٸرلەردە بەرٸلگەن ەسەپ بويىنشا بٸر بالا بٸر كٷندە 10 ٷيٸرمەگە قاتىسقان دەگەن دەرەكتەر بولدى. مۇنداي مىسالدار بار. مۇنىڭ بەرٸ جالعان كٶرسەتكٸشتەر. قازٸر بٸز وسى سالادا تەرتٸپ ورناتىپ جاتقاندىقتان, وسىنداي ٷنەمدەۋگە قول جەتكٸزٸپ وتىرمىز", – دەدٸ ولجاس بەكتەنوۆ.
ٷكٸمەت بۇل باعىتتاعى جۇمىستاردى جالعاستىرادى.
