الەمدىك شوۋ-بيزنەس جاڭالىقتارى

Dalanews 21 ءساۋ. 2015 23:31 340

مەريلين مونرونى كىم ءولتىردى؟

№15 مونرو

ءولىم مەن ءومىردىڭ اراسىندا جاتقان اقش-تىڭ ورتالىق بارلاۋ باسقارماسىنىڭ 78 جاستاعى وفيسەرى نورمان حودجەس مەملەكەتتىڭ قاۋىپسىزدىگى ءۇشىن 1959-1972 جىلدارى 37 ادامدى ولتىرگەنىن مويىندادى. ول مەريلين مونرونى دا ولتىرگەنىن العا تارتقان.

ايگىلى اكتريسانىڭ ءولىمى كۇنى بۇگىنگە دەيىن قۇپيا كۇيىندە قالىپ كەلەدى. ال اقش-تىڭ ارناۋلى قىزمەتىنىڭ اگەنتى ءوزىنىڭ تىكەلەي باستىعى، مايور دجەيمس حەيۆورتتىڭ بۇيرىعىمەن م.مونرونى ولتىرگەنىن ءحال ۇستىندە جاتىپ مويىنداعان. اگەنت ءوزى ولتىرگەن ادامداردىڭ اراسىندا ساياساتكەرلەر، جۋرناليستەر، عالىمدار، سۋرەتشىلەر جانە كاسىپوداق بەلسەندىلەرى بولعانىن العا تارتقان. ولار اقش-تىڭ قاۋىپسىزدىگىنە ءقاۋىپ ءتوندىرىپ، مۇددەسىنە قايشى ارەكەتتەرگە بارعاندىقتان كوز جۇمىپتى. وسى رەتتە نورمان حودجەس ولتىرگەن ادامداردىڭ اراسىندا جالعىز ايەل م. مونرو بولعانىن دا ايتتى. اقش پرەزيدەنتى دجون كەننەديمەن كوڭىلدەس بولعان م.مونرو كۋبا كوسەمى فيدەل كاسترومەن دە جاقىن بولىپتى. سوندىقتان ارناۋلى قىزمەت وكىلدەرى اقش-تىڭ مەملەكەتتىك قۇپيالارىن اكتريسا كۋبا كوسەمىنە ايتىپ قوياتىنىنان قاۋىپتەنىپ، ءولتىرىپتى. ءبىراق نورمان حودجەس ءسوزىن كۋالىك ەتەتىن د.حەيۆورت الدەقاشان باقيلىق بولعان.

 

«كۋنگ-فۋ پاندا 3» باسەكەدەن سەسكەندى

№15 پانداDreamWorks Animation ستۋدياسىنىڭ انيماتورلارى «كۋنگ-فۋ پاندا 3» ءفيلمى پرەمەراسىن تاعى دا كەشەۋىلدەتەتىندەرىن مالىمدەدى.

بۇعان دەيىن ءفيلمدى تۇسىرۋشىلەر «كۋنگ-فۋ پاندا 3» ءفيلمىن 2016 جىلدىڭ 29 قاڭتار ايىندا جۇرتشىلىق نازارىنا ۇسىناتىندارىن ايتقان ەدى. ەندى ول 2016 جىلدىڭ 18 ناۋرىزىنا سىرعىدى. ءۇشىنشى فيلمدە اشقاراق پاندا پو ەرتەرەكتە كوز جازىپ قالعان اكەسىمەن كەزدەسىپ، پاندالاردىڭ جۇماق مەكەنىنە اتتانىپ، سول جاقتا ءتۇرلى زۇلىم كۇشتەرمەن كۇرەسەدى. بۇل جولى ءمۋلتفيلمدى دىبىستاۋعا گولليۆۋدتىڭ اتاقتى اكتەرلەرى تارتىلعان. ولاردىڭ اراسىندا برايان كرەنستون، اندجەلينا دجولي، سەت روگەن، رەبەل ۋيلسون، ليۋسي ليۋ، مادس ميككەلسەن، دجەك بلەك سىندى كينوجۇلدىزدار بار. ماماندار DreamWorks Animation «زۆەزدنىح ۆوين» فيلمىمەن باسەكەگە تۇسپەۋى ءۇشىن پرەمەرانى كەشەۋىلدەتكەنىن العا تارتۋدا.

 

كاننىڭ شىمىلدىعىن ايەلدىڭ ءفيلمى اشادى

13 مامىر كۇنى ايگىلى كان كينوفەستيۆالى 68 رەت جالاۋىن كوتەرمەكشى. بۇل جولى ايتۋلى كينوبايقاۋدىڭ شىمىلدىعىن العاش رەت ايەل رەجيسسەردىڭ تۇسىرگەن ءفيلمى اشادى دەپ كۇتىلۋدە.

№15 كان كينفەستيۆالبايقاۋدىڭ العاشقى كۇنى كوپشىلىك قاۋىمعا فارانسۋز رەجيسسەرى ەممانيۋەل بەركو حانىمنىڭ «باسىڭدى تىك كوتەرىپ ءجۇر» دەپ اتالاتىن ءفيلمىن ۇسىنىلماقشى. تۋىندىدا تارتىپكە باعىنبايتىن، ءجيى زاڭ بۇزاتىن مالوني ەسىمدى كەيىپكەردىڭ تاعدىرى سۋرەتتەلەدى. الەۋمەتتىك قىزمەتكەرلەر مەن بالالار ءۇيىنىڭ تاربيەشىلەرى بۇزىق قىزدى دۇرىس جولعا باعىتتاسا دا، ارەكەتتەرىنەن تۇك شىقپايدى. وسىلايشا فيلمگە قازىرگى قوعامنىڭ وزەكتى ماسەلەلەرى كەڭىنەن ارقاۋ بولعان. باستى رولدەردى كاترين دەنيەۆ، بەنۋا ماجيمەل، سارا فورەستە جانە رود پارادو سومدايدى. ءوز كەزەگىندە كينوبايقاۋدى ۇيىمداستىرۋشىلاردىڭ جەتەكشىسى تەرري فرەمو: «تاڭداۋدىڭ بۇل فيلمگە ءتۇسۋىنىڭ وزىندىك سىرى بار. بۇگىندە كەز كەلگەن ەلدەن قوعامدىق ورتانىڭ تالابىنا كونبەيتىن قىڭىر ادامداردى كەزدەستىرۋگە بولادى. فيلمدە سولاردىڭ باسىنداعى اۋىر تاعدىر كورسەتىلگەن. سوندىقتان بۇل تۋىندى كەلگەن قوناقتاردىڭ بارىنە وي سالىپ، جۇرەگىنەن ورىن تاباتىنىنا سەنىمدىمىن»، – دەدى.

ۇسىنىلعان
سوڭعى جاڭالىقتار
x