ٶلٸم مەن ٶمٸردٸڭ اراسىندا جاتقان اقش-تىڭ ورتالىق بارلاۋ باسقارماسىنىڭ 78 جاستاعى وفيتسەرٸ نورمان حودجەس مەملەكەتتٸڭ قاۋٸپسٸزدٸگٸ ٷشٸن 1959-1972 جىلدارى 37 ادامدى ٶلتٸرگەنٸن مويىندادى. ول مەريلين مونرونى دا ٶلتٸرگەنٸن العا تارتقان.
ەيگٸلٸ اكتريسانىڭ ٶلٸمٸ كٷنٸ بٷگٸنگە دەيٸن قۇپييا كٷيٸندە قالىپ كەلەدٸ. ال اقش-تىڭ ارناۋلى قىزمەتٸنٸڭ اگەنتٸ ٶزٸنٸڭ تٸكەلەي باستىعى, مايور دجەيمس حەيۆورتتىڭ بۇيرىعىمەن م.مونرونى ٶلتٸرگەنٸن حەل ٷستٸندە جاتىپ مويىنداعان. اگەنت ٶزٸ ٶلتٸرگەن ادامداردىڭ اراسىندا ساياساتكەرلەر, جۋرناليستەر, عالىمدار, سۋرەتشٸلەر جەنە كەسٸپوداق بەلسەندٸلەرٸ بولعانىن العا تارتقان. ولار اقش-تىڭ قاۋٸپسٸزدٸگٸنە قاۋٸپ تٶندٸرٸپ, مٷددەسٸنە قايشى ەرەكەتتەرگە بارعاندىقتان كٶز جۇمىپتى. وسى رەتتە نورمان حودجەس ٶلتٸرگەن ادامداردىڭ اراسىندا جالعىز ەيەل م. مونرو بولعانىن دا ايتتى. اقش پرەزيدەنتٸ دجون كەننەديمەن كٶڭٸلدەس بولعان م.مونرو كۋبا كٶسەمٸ فيدەل كاسترومەن دە جاقىن بولىپتى. سوندىقتان ارناۋلى قىزمەت ٶكٸلدەرٸ اقش-تىڭ مەملەكەتتٸك قۇپييالارىن اكتريسا كۋبا كٶسەمٸنە ايتىپ قوياتىنىنان قاۋٸپتەنٸپ, ٶلتٸرٸپتٸ. بٸراق نورمان حودجەس سٶزٸن كۋەلٸك ەتەتٸن د.حەيۆورت ەلدەقاشان باقيلىق بولعان.
«كۋنگ-فۋ پاندا 3» بەسەكەدەن سەسكەندٸ
بۇعان دەيٸن فيلمدٸ تٷسٸرۋشٸلەر «كۋنگ-فۋ پاندا 3» فيلمٸن 2016 جىلدىڭ 29 قاڭتار ايىندا جۇرتشىلىق نازارىنا ۇسىناتىندارىن ايتقان ەدٸ. ەندٸ ول 2016 جىلدىڭ 18 ناۋرىزىنا سىرعىدى. ٷشٸنشٸ فيلمدە اشقاراق پاندا پو ەرتەرەكتە كٶز جازىپ قالعان ەكەسٸمەن كەزدەسٸپ, پاندالاردىڭ جۇماق مەكەنٸنە اتتانىپ, سول جاقتا تٷرلٸ زۇلىم كٷشتەرمەن كٷرەسەدٸ. بۇل جولى مۋلتفيلمدٸ دىبىستاۋعا گولليۆۋدتىڭ اتاقتى اكتەرلەرٸ تارتىلعان. ولاردىڭ اراسىندا برايان كرەنستون, اندجەلينا دجولي, سەت روگەن, رەبەل ۋيلسون, ليۋسي ليۋ, مادس ميككەلسەن, دجەك بلەك سىندى كينوجۇلدىزدار بار. ماماندار DreamWorks Animation «زۆەزدنىح ۆوين» فيلمٸمەن بەسەكەگە تٷسپەۋٸ ٷشٸن پرەمەرانى كەشەۋٸلدەتكەنٸن العا تارتۋدا.
كاننىڭ شىمىلدىعىن ەيەلدٸڭ فيلمٸ اشادى
13 مامىر كٷنٸ ەيگٸلٸ كان كينوفەستيۆالٸ 68 رەت جالاۋىن كٶتەرمەكشٸ. بۇل جولى ايتۋلى كينوبايقاۋدىڭ شىمىلدىعىن العاش رەت ەيەل رەجيسسەردٸڭ تٷسٸرگەن فيلمٸ اشادى دەپ كٷتٸلۋدە.
