Ólim men ómirdiń arasynda jatqan AQSh-tyń Ortalyq barlaý basqarmasynyń 78 jastaǵy ofitseri Norman Hodjes memlekettiń qaýipsizdigi úshin 1959-1972 jyldary 37 adamdy óltirgenin moiyndady. Ol Merilin Monrony da óltirgenin alǵa tartqan.
Áigili aktrisanyń ólimi kúni búginge deiin qupiia kúiinde qalyp keledi. Al AQSh-tyń arnaýly qyzmetiniń agenti óziniń tikelei bastyǵy, maior Djeims Heivorttyń buiryǵymen M.Monrony óltirgenin hál ústinde jatyp moiyndaǵan. Agent ózi óltirgen adamdardyń arasynda saiasatkerler, jýrnalister, ǵalymdar, sýretshiler jáne kásipodaq belsendileri bolǵanyn alǵa tartqan. Olar AQSh-tyń qaýipsizdigine qaýip tóndirip, múddesine qaishy áreketterge barǵandyqtan kóz jumypty. Osy rette Norman Hodjes óltirgen adamdardyń arasynda jalǵyz áiel M. Monro bolǵanyn da aitty. AQSh prezidenti Djon Kennedimen kóńildes bolǵan M.Monro Kýba kósemi Fidel Kastromen de jaqyn bolypty. Sondyqtan arnaýly qyzmet ókilderi AQSh-tyń memlekettik qupiialaryn aktrisa Kýba kósemine aityp qoiatynynan qaýiptenip, óltiripti. Biraq Norman Hodjes sózin kýálik etetin D.Heivort áldeqashan baqilyq bolǵan.
«Kýng-fý Panda 3» básekeden seskendi
Buǵan deiin filmdi túsirýshiler «Kýng-fý Panda 3» filmin 2016 jyldyń 29 qańtar aiynda jurtshylyq nazaryna usynatyndaryn aitqan edi. Endi ol 2016 jyldyń 18 naýryzyna syrǵydy. Úshinshi filmde ashqaraq panda Po erterekte kóz jazyp qalǵan ákesimen kezdesip, pandalardyń jumaq mekenine attanyp, sol jaqta túrli zulym kúshtermen kúresedi. Bul joly mýltfilmdi dybystaýǵa Gollivýdtyń ataqty akterleri tartylǵan. Olardyń arasynda Braian Krenston, Andjelina Djoli, Set Rogen, Rebel Ýilson, Liýsi Liý, Mads Mikkelsen, Djek Blek syndy kinojuldyzdar bar. Mamandar DreamWorks Animation «Zvezdnyh voin» filmimen básekege túspeýi úshin premerany kesheýildetkenin alǵa tartýda.
Kannyń shymyldyǵyn áieldiń filmi ashady
13 mamyr kúni áigili Kan kinofestivali 68 ret jalaýyn kótermekshi. Bul joly aitýly kinobaiqaýdyń shymyldyǵyn alǵash ret áiel rejisserdiń túsirgen filmi ashady dep kútilýde.
