بىرنەشە الپاۋىت مەملەكەتتەردىڭ باسىن قوسقان ءدۇبىرلى دودادا اۋدان سپورتشىلارى ەلىمىزدىڭ كوك بايراعىن بيىكتە جەلبىرەتىپ، ۇزدىكتەر قاتارىنان كورىنە ءبىلدى. بۇل جەڭىس تەك الاكولدىڭ عانا ەمەس، كۇللى رەسپۋبليكانىڭ جەتىستىگى.
جەتىسۋدىڭ جەتى كەرەمەتىنىڭ ءبىرى الاكولدەي ىرىس – قۇتى دارىعان ولكەنىڭ كەرەمەت ساف اۋاسىمەن تىنىستاپ جۇرگەن جاس چەمپيوندارىمىزعا اۋدان اكىمىنىڭ ورىنباسارى ىزگى لەبىزىن ءبىلدىرىپ، ارنايى سىي – سياپاتتارىن تابىس ەتتى.
«جاس بولسا دا ەلدىڭ ءور نامىسىن ارقالاپ جۇرگەن سپورتشىلارىمىزعا الداعى ۋاقىتتا وليمپيادا بيىگىن باعىندىرىپ، اۋدانىمىزدىڭ داڭقىن الەمگە پاش ەتىپ، قايراتتى سپورتشىلارى اتانۋلارىنا شىن جۇرەكتەن تىلەكتەسپىن.»،-دەدى اۋدان اكىمىنىڭ ورىنباسارى م.تولەۋجانوۆ.
ايبىندى ولكەمىزدىڭ ايبارلى سپورتشىلارىنىڭ الار اسۋلارى مەن باعىندىرار بەلەستەرى كوپ بولسىن!
قاسيەت ارستان،
الاكول اۋدانى اكىمىنىڭ
ءباسپاسوز-حاتشىسى
