نيدٸڭ ايتۋىنشا, ول دوپينگتٸڭ انىقتالعانى جايلى حاباردى كەشە تاڭدا ەستٸگەن. "مەن ٷشٸن بۇل كٷتپەگەن جاڭالىق بولدى. لوندون وليمپياداسى تاريحقا اينالدى عوي, بٸر جارىم ايدان كەيٸن بٸز وليمپيادا ويىندارىنا اتتانعالى وتىرعانبىز, ال مۇندا وسىنداي داۋ شىقتى... دوپينگ-سىنامالاردى جىل باسىندا ەمەس, ريوعا تۋرا ەكٸ اي قالعاندا قايتا تەكسەرە باستاعانى الاڭداتادى. مەندە كٶپ سۇراق تۋىنداپ وتىر. نەلٸكتەن دەل وسىنداي مەرزٸم? سپورتشىلار كٸنەسٸزدٸگٸن دەلەلدەپ ٷلگەرمەسٸن دەدٸ مە, اپەللياتسيياعا بەرٸپ ٷلگەرمەسٸن دەدٸ مە?", - دەپ تاڭدانادى باس باپكەر.
الەكسەي ني قويىپ وتىرعان تاعى بٸر سۇراق ريوعا اتتانعالى وتىرعان سپورتشىلاردىڭ عانا شەتتەتٸلۋٸ جايلى. "سوعان قاراعاندا الداعى وليمپيادادا كٸمنٸڭ قالاي ٶنەر كٶرسەتەتٸنٸنە بولجام جاسالعان بولۋى مٷمكٸن, ال شەتتەتٸلگەن سپورتشىلاردىڭ التىن مەدال الۋعا دەگەن مٷمكٸندٸگٸ زور. مانساپ جولىن اياقتاعالى جاتقان بٸردە-بٸر سپورتشى شاقىرتىلمادى, سەبەبٸ ولار ەندٸگٸ ەشكٸمگە كەرەك ەمەس. ولاردىڭ لوگيكاسىنا سالساق, بٸز وليمپيادادا بٸر رەت جەڭگەننەن كەيٸن دەرەۋ سپورتپەن قوش ايتىسۋىمىز قاجەت پە?! جەڭٸستەن ٷمٸتتٸ بولىپ, بٸرەۋلەرگە كەدەرگٸ جاساي باستاساڭ - ساعان ەدٸلەتسٸز ەدٸستەردٸ قولدانادى. سەبەبٸ مەن ەلەم بٸرٸنشٸلٸگٸنە بٸر اي قالعاندا عانا وسىنداي داۋدىڭ شىعىپ جاتقانىن باسقاشا تٷسٸندٸرە المايمىن. مۇنداي قىم-قۋىت جاعدايدا ەكٸ اتتاپ بيگە شىعاتىن مٷمكٸندٸك از", - دەپ بٸلدٸردٸ پٸكٸرٸن الەكسەي ني.
ني لوزانناداعى زەرتحانانىڭ مەسەلەسٸنە دە نازار اۋدارىپ وتىر. ايتۋىنشا, بۇل زەرتحانا ا جەنە ب سىنامالارىن تەكسەرگەن. سٶيتسە ا سىنامالارىندا تىيىم سالىنعان زاتتاردىڭ بار ەكەنٸن كٶرسەتٸپ, ب سىناماسى ونى جوققا شىعارعان. "ۆادا تٸركەگەن زەرتحانا قالايشا وسىنداي قاتەلٸكتەر جاسايدى? مەن بٸرەۋ-مٸرەۋدٸ ٷركٸتٸپ, بوپسالاعىم كەلمەيدٸ, مەن تەك ٶز سپورتشىلارىمدى قورعاعىم كەلەدٸ, ەدٸلدٸكتٸڭ بولعانىن قالايمىن, - دەيدٸ باس باپكەر, - مۇنىڭ كٸمنٸڭ مٷددەسٸ ەكەنٸن مەن بٸلمەيمٸن. مەن ساياساتكەر ەمەسپٸن, كٶرٸپكەل ەمەسپٸن. مەن - ەشتەڭەگە قاراماستان سپورتشىلاردى دايىنداپ جٷرگەن باپكەرمٸن. سپورتشىنىڭ بارلىعى جاتتىعىپ جاتىر جەنە مەسەلە انىق بولىپ, بٸزدٸڭ پايدامىزعا شەشٸلەدٸ دەپ سەنەمٸن. ال ەگەر وليمپياداعا جٸبەرمەسە, لوزانناداعى اربيتراج سوتىنا دەيٸن بارامىز. سپورتشىلاردىڭ سوتتان ەدٸل شەشٸم العانىن كٶرمەپپٸن, الايدا جارىستى ەشكٸم توقتاتا المايدى... وسىعان قاراماستان وسىنداي جاعدايلار قايتالانباۋى ٷشٸن ٶز ۇستانىمىمىزدا قالا بەرمەكپٸز", - دەدٸ ول.
سونىمەن قاتار, باس باپكەر تٶرت سپورتشى قولداندى دەلٸنگەن پرەپاراتتارعا قاتىستى ويىن ايتتى. "بٸز ونداي پرەپاراتتاردى قولدانباعانىمىزدى سەنٸممەن ايتا الامىن. انىقتامالىققا قاراپ كٶرٸڭٸزدەر, بۇل ٶتە كٷردەلٸ پرەپاراتتار, ال جوعارى دەڭگەيلٸ سپورتشىلار وسىلاي قاۋٸپ-قاتەرگە بارا ما?", - دەيدٸ باس باپكەر.
باپكەردٸڭ ايتۋىنشا, دوپينگ داۋىنا ٸلٸگٸپ جاتقانداردىڭ كٸل تمد ەلدەرٸنەن ەكەندٸگٸ دە كٷمەن تۋعىزباي قويمايدى. ول حيۋستونداعى چەمپيوناتتان كەيٸن قازاقستاندىق اۋىراتلەتتەردٸڭ بٸرەۋلەردٸڭ نىسانىنا تٷسەتٸنٸن ويلاعانىن دا ايتىپ وتىر.
دەرەككٶز: kaz.tengrinews.kz
