بۇگىندە شىعىس قازاقستان وبلىسىنىڭ قوس تۇمارىنداي بولعان وسكەمەن مەن سەمەي قالالارى جان-جاقتى دامىپ كەلەدى. وسى رەتتە قوس قالا ەۋروپالىق قايتا قۇرۋ جانە دامۋ بانكىنىڭ قورشاعان ورتا قورعاۋ جانە قوقىستاردى جيناۋ باعدارلاماسىنا ىلىككەنىن ايتۋعا بولادى.

حالىقارالىق قارجى ۇيىمىنىڭ ماڭىزدى باعدارلاماسىنا دۇنيەجۇزىنىڭ 50 قالاسى تاڭدالىنىپ العان بولاتىن. قازاقستاننان ەكى بىردەي قالانىڭ ىلىگۋى كوڭىلگە قۋانىش ۇيالاتادى.

بۇگىندە ەۋروپالىق قايتا قۇرۋ جانە دامۋ بانكى 75 ملرد تەڭگەنى قۇرايتىن 12 باستامانى جانە 302 ملرد تەڭگەگە باعالانعان 102 باعدارلامانى قارجىلاندىرۋعا ۋاعدالاسقان. بۇل جوبالاردىڭ اراسىندا «جاڭعىس سولار» كۇن ەلەكتر ستانساسىن سالۋ جوباسى دا بار.

بۇدان باسقا جەرگىلىكتى بيۋدجەتكە تۇسەتىن سالماقتى ازايتۋ ماقساتىندا قۇنى 98،6 ملرد تەڭگە بولاتىن 180 جوبا مەملەكەت پەن بيزنەستىڭ ارىپتەستىگى اياسىندا جۇزەگە اسىرۋ كوزدەلىنىپ وتىر. بۇگىندە وسى جوبالاردىڭ 129-مەن كەلسىمشارتقا قول قويىلعان. ونىڭ قۇنى 39،6 ملرد تەڭگەنى قۇرايدى.  

تارقاتىپ ايتساق، مەملەكەت پەن جەكەمەنشىك ارىپتەستىگى اياسىندا وسكەمەن مەن سەمەيدەگى قوعامدىق كولىكتى ەلەكتروندى بيلەت جۇيەسىنە كوشىرۋ، سونىمەن قاتار قوس قالادا «سەرگەك» فوتو-ۆيدەو باقىلاۋ كامەرالىن ورناتۋ ءىسى بار. بۇدان باسقا تۇرىك كومپانيالارىمەن بىرلەسكەن قۇنى 5،7 ملرد تەڭگەگە باعالانعان گلۋبوكوە اۋىلنداعى جىلۋ جۇيەسىنىڭ جوباسىن دا ايتا كەتۋىمىز كەرەك.

وسكەمەن مەن سەمەيدەگى جىلۋ جانە سۋمەن قامتۋعا قاتىستى ءۇش جوبا دا مەملەكەت پەن جەكەمەنشىك ارىپتەسىك اياسىندا ىسكە استان بولادى. بۇدان باسقا قوس قالانىڭ جارىقتاندىرۋ جوباسى دا بار. جارىقتاندىرۋ جوباسى ىسكە اسقان جاعدايدا سەمەيدەگى جارىقتاندىرۋ ءۇش ەسەگە دەيىن استىن بولادى؟