ەندٸ ەل ازاماتتارى اقش-قا تٸكەلەي رەيسپەن ۇشا الادى پارلامەنت مەجٸلٸسٸنٸڭ جالپى وتىرىسىندا «قر ٷكٸمەتٸ مەن اقش ٷكٸمەتٸ اراسىنداعى ەۋە قاتىناسى تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, – دەپ حابارلايدى كتك ارناسى.
مەجٸلٸس قازاقستان مەن اقش ٷكٸمەتتەرٸ اراسىندا ەۋە قاتىناسى تۋرالى كەلٸسٸمدٸ راتيفيكاتسييالاۋ تۋرالى زاڭ جوباسىن ماقۇلدادى.
قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆتىڭ ايتۋىنشا, ەكٸ ەل اراسىندا كەلٸسٸمگە 2019 جىلى 30 جەلتوقساندا قول قويىلعان. كەلٸسٸمنٸڭ نەگٸزگٸ ماقساتى – قازاقستان مەن امەريكا اراسىندا تٸكەلەي ەۋە قاتىناسىن اشۋ ٷشٸن قۇقىقتىق بازا قۇرۋ. كەلٸسٸم اياسىندا تاراپتار ەۋە كومپانييالارى, پۋنكتتەر مەن رەيستەر سانى بويىنشا, ونىڭ ٸشٸندە جولاۋشىلار تاسىمالى ٷشٸن «ەۋە ەركٸندٸگٸنٸڭ» 5 دەڭگەيٸمەن شەكتەۋسٸز ۇشا الادى.
– بۇل – ەل تاريحىنداعى العاشقى «اشىق اسپان» رەجيمٸندەگٸ كەلٸسٸم. ياعني, كەز كەلگەن وتاندىق ەۋە كومپانييا ٷشٸنشٸ ەلدەرگە جولاۋشىلاردى جەتكٸزۋ جەنە ەكەلۋ قۇقىعىمەن قازاقستاننىڭ كەز كەلگەن قالاسىنان امەريكا قۇراما شتاتتارىنىڭ كەز كەلگەن قالاسىنا جولاۋشىلار تاسىمالىن, سونداي-اق اقش پۋنكتتەرٸ مەن اقش-تان تىس كەز كەلگەن پۋنكتتەر اراسىندا جٷك تاسىمالىن ورىنداي الادى, – دەدٸ بەيبٸت اتامقۇلوۆ مەجٸلٸستٸڭ جالپى وتىرىسىندا.
ەۋە رەيستەرٸنٸڭ سانىنا شەكتەۋ قويىلمايدى. زاڭ جوباسى قازاقستان تاراپىنان قوسىمشا بيۋدجەتتٸك شىعىندار مەن مٸندەتتەمەلەرگە الىپ كەلمەيدٸ, دەپ اتاپ ٶتتٸ مينيستر. مەجٸلٸس زاڭ جوباسىن بٸراۋىزدان ماقۇلدادى.
اقش-قا ۇشاتىن تٸكەلەي رەيستٸ جٷزەگە اسىرۋ ٷشٸن قازاقستان الىس ماگيسترالدى Boeing ساتىپ الماق. يندۋسترييا مينيسترلٸگٸ وعان مەملەكەت بٸر تيىن دا جۇمسامايتىنىن العا تارتتى. اقشانى وتاندىق ەۋە كومپانييالارى شىعارۋى تيٸس.
– Boeing 787, بۇل Boeing Dreamliner تۇراقتى رەيستەر جاساي الاتىن ەۋە كەمەسٸ. 2020-2021 جىلعا ٸس جٷزٸندە ۇشاق ليزينگٸ مەسەلەسٸن توقتاتتىق. ٶيتكەنٸ پاندەمييا كەسٸرٸن تيگٸزدٸ. بٷگٸنگٸ كٷنٸ كەلٸسٸم راتيفيكاتسييالانعاننان كەيٸن Boeing-787-نٸڭ ليزينگ كومپانييالارىندا كەلٸسسٶزدەر قايتا باستالادى. مۇنى بٸز اقپان, ناۋرىز ايىنا جوسپارلاپ وتىرمىز, – دەدٸ بەيبٸت اتامقۇلوۆ.
بٷگٸندە امەريكاعا قازاقستاننان جەتۋ وڭاي ەمەس. اتلانت مۇحيتى ارقىلى ەۋروپاعا جەتٸپ, سوسىن دٸتتەگەن جەرگە جەتۋگە بولادى. ال جاڭا رەيستەردٸ «ەير استانا» مەن «سكات» سيياقتى ەكٸ ەۋە كومپانيياسى اشۋعا قۇلشىنىپ وتىر. ەش جەرگە توقتاماي, بٸردەن امەريكاعا جولاۋشىلاردى جەتكٸزەدٸ. سول ٷشٸن دە ٶز اقشاسىنا الىس ماگيسترالدى ۇشاقتار ساتىپ الماق. بٸراق ەۋە كومپانييالارى ەۋە قاۋٸپسٸزدٸگٸ سەرتيفيكاتىن الۋعا تيٸس. بۇل ٶتە ۇزاق پروتسەسس, وعان بٸرنەشە جىل كەرەك. ەڭ الدىمەن امەريكالىق ەۋە بيلٸگٸندەگٸلەر قازاقستاندىق ەۋەجايلارداعى جولاۋشىلاردى تەكسەرۋ جاعىن باعامدايدى.
– رەيستەر 2025 جىلى اشىلادى دەپ جوسپارلانىپ وتىر. ەكٸ-ٷش اپتا بۇرىن امەريكالىق ساراپشىلار قازاقستانعا كەلٸپ, نۇر-سۇلتان جەنە الماتى ەۋەجايلارىندا اۋديت ٶتكٸزدٸ. اۋديت قورىتىندىلارى بويىنشا وڭ نەتيجەگە قول جەتتٸك. ساراپشىلار قازٸر ٶتە جاقسى باعا بەرٸپ وتىر. بٸز تٸكەلەي رەيس اشقان كەزدە باتىس جاقپەن ەۋروپا ارقىلى ۇشۋعا مٷمكٸندٸك بولادى, – دەيدٸ ازاماتتىق اۆياتسييا كوميتەتٸنٸڭ باسقارما جەتەكشٸسٸ تيمۋر تٸلەگەنوۆ.
