Endi el azamattary AQSh-qa tikelei reispen usha alady Parlament Májilisiniń jalpy otyrysynda «QR Úkimeti men AQSh Úkimeti arasyndaǵy Áýe qatynasy týraly kelisimdi ratifikatsiialaý týraly» zań jobasy maquldandy, – dep habarlaidy KTK arnasy.
Májilis Qazaqstan men AQSh úkimetteri arasynda Áýe qatynasy týraly kelisimdi ratifikatsiialaý týraly zań jobasyn maquldady.
QR Indýstriia jáne infraqurylymdyq damý ministri Beibit Atamqulovtyń aitýynsha, eki el arasynda kelisimge 2019 jyly 30 jeltoqsanda qol qoiylǵan. Kelisimniń negizgi maqsaty – Qazaqstan men Amerika arasynda tikelei áýe qatynasyn ashý úshin quqyqtyq baza qurý. Kelisim aiasynda taraptar áýe kompaniialary, pýnktter men reister sany boiynsha, onyń ishinde jolaýshylar tasymaly úshin «áýe erkindiginiń» 5 deńgeiimen shekteýsiz usha alady.
– Bul – el tarihyndaǵy alǵashqy «ashyq aspan» rejimindegi kelisim. Iaǵni, kez kelgen otandyq áýe kompaniia úshinshi elderge jolaýshylardy jetkizý jáne ákelý quqyǵymen Qazaqstannyń kez kelgen qalasynan Amerika Qurama Shtattarynyń kez kelgen qalasyna jolaýshylar tasymalyn, sondai-aq AQSh pýnktteri men AQSh-tan tys kez kelgen pýnktter arasynda júk tasymalyn oryndai alady, – dedi Beibit Atamqulov májilistiń jalpy otyrysynda.
Áýe reisteriniń sanyna shekteý qoiylmaidy. Zań jobasy Qazaqstan tarapynan qosymsha biýdjettik shyǵyndar men mindettemelerge alyp kelmeidi, dep atap ótti ministr. Májilis zań jobasyn biraýyzdan maquldady.
AQSh-qa ushatyn tikelei reisti júzege asyrý úshin Qazaqstan alys magistraldy Boeing satyp almaq. Indýstriia ministrligi oǵan memleket bir tiyn da jumsamaitynyn alǵa tartty. Aqshany otandyq áýe kompaniialary shyǵarýy tiis.
– Boeing 787, bul Boeing Dreamliner turaqty reister jasai alatyn áýe kemesi. 2020-2021 jylǵa is júzinde ushaq lizingi máselesin toqtattyq. Óitkeni pandemiia kesirin tigizdi. Búgingi kúni kelisim ratifikatsiialanǵannan keiin Boeing-787-niń lizing kompaniialarynda kelissózder qaita bastalady. Muny biz aqpan, naýryz aiyna josparlap otyrmyz, – dedi Beibit Atamqulov.
Búginde Amerikaǵa Qazaqstannan jetý ońai emes. Atlant muhity arqyly Eýropaǵa jetip, sosyn dittegen jerge jetýge bolady. Al jańa reisterdi «Eir Astana» men «Skat» siiaqty eki áýe kompaniiasy ashýǵa qulshynyp otyr. Esh jerge toqtamai, birden Amerikaǵa jolaýshylardy jetkizedi. Sol úshin de óz aqshasyna alys magistraldy ushaqtar satyp almaq. Biraq áýe kompaniialary áýe qaýipsizdigi sertifikatyn alýǵa tiis. Bul óte uzaq protsess, oǵan birneshe jyl kerek. Eń aldymen amerikalyq áýe biligindegiler qazaqstandyq áýejailardaǵy jolaýshylardy tekserý jaǵyn baǵamdaidy.
– Reister 2025 jyly ashylady dep josparlanyp otyr. Eki-úsh apta buryn amerikalyq sarapshylar Qazaqstanǵa kelip, Nur-Sultan jáne Almaty áýejailarynda aýdit ótkizdi. Aýdit qorytyndylary boiynsha oń nátijege qol jettik. Sarapshylar qazir óte jaqsy baǵa berip otyr. Biz tikelei reis ashqan kezde batys jaqpen Eýropa arqyly ushýǵa múmkindik bolady, – deidi Azamattyq aviatsiia komitetiniń basqarma jetekshisi Timýr Tilegenov.
