قابىلدانعان زاڭعا سايكەس، 2022 جىلدىڭ 1 قاڭتارىنان باستاپ ەڭ تومەنگى جالاقى 60 مىڭ تەڭگەنى قۇرايدى. 2021 جىلى ەڭ تومەنگى جالاقى 42 500 تەڭگەنى قۇرادى.
بۇعان دەيىن ەڭبەك مينيسترلىگىندە حابارلانعانداي، ەڭ تومەنگى جالاقىنى ارتتىرۋ ەكونوميكانىڭ بارلىق سالالارىندا جۇمىس ىستەيتىن 1،6 ميلليون ادامنىڭ تابىسىنىڭ ءوسۋىن قامتاماسىز ەتەدى.
"بىرىنشىدەن، ەڭ تومەنگى جالاقىنىڭ ارتۋى "از تولەنەتىن" جۇمىسشىلارعا اسەر ەتەدى. ەكىنشىدەن، جالاقى دەڭگەيىن بەلگىلەۋ كەزىندە ەڭ تومەنگى جالاقى كورسەتكىشىن پايدالاناتىن جۇمىس بەرۋشىلەر باسقا ساناتتاعى جۇمىسشىلاردىڭ جالاقىسىن دا قايتا قارايدى"، - دەپ ءتۇسىندىردى ۆەدومستۆوداعىلار.
اەك، نەمەسە ايلىق ەسەپتىك كورسەتكىش (ول جاردەماقىلاردى، ءوسىمپۇلداردى، سالىقتاردى جانە باسقا دا تولەمدەردى ەسەپتەۋ ءۇشىن قولدانىلادى) 3063 تەڭگەنى قۇرايدى. 2021 جىلى 2917 تەڭگە بولىپ بەلگىلەندى.
ەڭ تومەنگى كۇنكورىس دەڭگەيى (بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن پايدالانىلادى) 36 018 تەڭگەنى قۇرايدى. بيىل 34302 تەڭگەنى قۇراپ وتىر.
زەينەتاقى قالاي وزگەرەدى؟
مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى 2022 جىلى 19 450 تەڭگە بولىپ بەلگىلەندى. بيىل بۇل كورسەتكىش 18 524 تەڭگەنى قۇراپ وتىر.
كەلەسى جىلى ەڭ تومەنگى زەينەتاقى مولشەرى 46 302 تەڭگەنى قۇرايدى (2021 جىلى ول 43 272 تەڭگە).
ەڭبەك مينيسترلىگىنىڭ مالىمەتىنشە، ءوسىم ناتيجەسىندە كەلەسى جىلى مەملەكەتتىك بيۋدجەتتەن زەينەتاقى مەن جاردەماقى الاتىن 5،1 ميلليون قازاقستاندى ازاماتتىڭ تابىسى ارتادى.
