Qabyldanǵan zańǵa sáikes, 2022 jyldyń 1 qańtarynan bastap eń tómengi jalaqy 60 myń teńgeni quraidy. 2021 jyly eń tómengi jalaqy 42 500 teńgeni qurady.
Buǵan deiin eńbek ministrliginde habarlanǵandai, eń tómengi jalaqyny arttyrý ekonomikanyń barlyq salalarynda jumys isteitin 1,6 million adamnyń tabysynyń ósýin qamtamasyz etedi.
"Birinshiden, eń tómengi jalaqynyń artýy "az tólenetin" jumysshylarǵa áser etedi. Ekinshiden, jalaqy deńgeiin belgileý kezinde eń tómengi jalaqy kórsetkishin paidalanatyn jumys berýshiler basqa sanattaǵy jumysshylardyń jalaqysyn da qaita qaraidy", - dep túsindirdi vedomstvodaǵylar.
AEK, nemese ailyq eseptik kórsetkish (ol járdemaqylardy, ósimpuldardy, salyqtardy jáne basqa da tólemderdi esepteý úshin qoldanylady) 3063 teńgeni quraidy. 2021 jyly 2917 teńge bolyp belgilendi.
Eń tómengi kúnkóris deńgeii (bazalyq áleýmettik tólemderdiń mólsherin esepteý úshin paidalanylady) 36 018 teńgeni quraidy. Biyl 34302 teńgeni qurap otyr.
Zeinetaqy qalai ózgeredi?
Memlekettik bazalyq zeinetaqy tóleminiń eń tómengi mólsheri 2022 jyly 19 450 teńge bolyp belgilendi. Biyl bul kórsetkish 18 524 teńgeni qurap otyr.
Kelesi jyly eń tómengi zeinetaqy mólsheri 46 302 teńgeni quraidy (2021 jyly ol 43 272 teńge).
Eńbek ministrliginiń málimetinshe, ósim nátijesinde kelesi jyly memlekettik biýdjetten zeinetaqy men járdemaqy alatyn 5,1 million qazaqstandy azamattyń tabysy artady.
