قازاقستاندا الاياقتىق جولمەن تىركەلگەن نەسيەلەردى جويۋعا نەگىز العىشارتتار ءتىزىمى كەڭەيتىلەدى.ماسەلەن، ەندى بيومەتريالىق سايكەستەندىرۋسىز بەرىلگەن نەسيەنى تولەمەۋگە بولادى. بۇل تۋرالى ۇلتتىق بانك ءتوراعاسى تيمۋر سۇلەيمەنوۆتىڭ دەپۋتاتتىق ساۋالعا بەرگەن جاۋابىندا ايتىلادى، دەپ حابارلايدى Dalanews.kz.
قنردا بانكتەر مەن شاعىن نەسيەلىك ۇيىمداردى مىنانداي بۇزۋشىلىقتار بويىنشا تىركەلگەن نەسيەلەردى جويۋعا مىندەتتەمەك:
- قارىز الۋشىلاردىڭ جەكەلەگەن ساناتتارىنىڭ ونلاين كرەديت الۋعا دەربەس كەلىسىمىنىڭ بولۋىنا قويىلاتىن تالاپتاردى ساقتاماي بەرىلگەن الاياقتىق كرەديتتەر؛
- "سالقىنداتۋ كەزەڭىن" قولدانۋ؛
- كليەنتتى بيومەتريالىق سايكەستەندىرۋدى جۇرگىزۋ؛
- اقپاراتتىق ونلاين-كرەديتتى راسىمدەۋ كەزىندەگى قارجى ۇيىمدارىنىڭ كيبەرقاۋىپسىزدىگىن بۇزۋ (قارجى ۇيىمى تاراپىنان بولعان).
سونداي-اق ۇلتتىق بانك قارجى سالاسىنداعى الاياقتاردان قورعانۋ امالى – ساقتاندىرۋ تەتىگى ەكەنىن ەسكە سالادى.
"حالىقارالىق تاجىريبەدە ونلاين بانكتىك قىزمەتتەردى تۇتىنۋشىلاردى قورعاۋ تەتىكتەرىنىڭ ءبىرى رەتىندە ازاماتتاردى الاياقتاردىڭ زاڭسىز ارەكەتتەرىنەن ساقتاندىرۋ كەڭىنەن تارالعان. مۇنداي ساقتاندىرۋ نەگىزىنەن ەرىكتى سيپاتقا يە، ال ساقتانۋشى رەتىندە جەكە تۇلعالار دا، بانكتەردىڭ وزدەرى دە، تولەم جۇيەلەرىنىڭ وپەراتورلارى دا ارەكەت ەتەدى. قازاقستاندا ساقتاندىرۋ ۇيىمدارى ات-ينفراقۇرىلىمىنداعى كۇتپەگەن وزگەرىستەر ناتيجەسىندە بانك كارتالارىنىڭ يەلەرىنە كەلتىرىلگەن مۇلىكتىك زياندى وتەۋگە بايلانىستى ساقتاندىرۋ ونىمدەرىن ۇسىنادى. الاياقتىقتان ساقتاندىرۋدى مىندەتتى نەمەسە جۇكتەلگەن ساقتاندىرۋ ءتۇرى رەتىندە ەنگىزۋ الاياقتىق وپەراسيالار بويىنشا ستاتيستيكانى تالداۋدى، تۇتىنۋشىعا زيان كەلتىرمەستەن ساقتاندىرۋدىڭ بارابار قۇنىن ەسەپتەۋ ءۇشىن ىقتيمال شىعىندار مولشەرىن انىقتاۋدى ەسكەرە وتىرىپ، جان-جاقتى زەرتتەۋدى قاجەت ەتەدى. سونىمەن قاتار، جەكە تۇلعالاردىڭ قارىزدارىن الاياقتىقتان مىندەتتى ساقتاندىرۋدى ەنگىزۋ كرەديتتى رەسىمدەۋ كەزىندە قوسىمشا شىعىستارعا اكەلەدى، ناتيجەسىندە ونىڭ قىمباتتاۋىنا اكەپ سوعادى"، دەلىنگەن رەسمي جاۋاپتا.
ايتا كەتسەك، قازىرگى ۋاقىتتا نەسيە بەرۋشىنىڭ ەرىكتى باس تارتۋ بولعان كەزدە نەمەسە كليەنتتىڭ قاتىسۋىنسىز قارىزدى الاياقتىق تاسىلمەن رەسىمدەۋ فاكتىسى انىقتالاتىن سوتتىڭ زاڭدى كۇشىنە ەنگەن شەشىمى بويىنشا بەرىلگەن كرەديتتەردى ەسەپتەن شىعارۋ مىندەتى بەلگىلەنگەن.
از-كەم ستاتيستيكا
2024 جىلدىڭ 1 قاراشاداعى ق ر ءىىم مالىمەتى بويىنشا، بيىل ەلىمىزدە قىلمىستىڭ وسى ءتۇرىنىڭ 34،9 مىڭ جاعدايى تىركەلگەن. ونىڭ ىشىندە 16،1 مىڭنان استامى – ينتەرنەت-الاياقتىق، ول بويىنشا كەلتىرىلگەن زالال كولەمى 7 ملرد تەڭگەدەن اسادى.
ونلاين-كرەديتتەردى راسىمدەتۋ ەڭ كوپ تارالعان ءتۇرى - 6،8 مىڭ جاعداي.
- 4،1 مىڭ جاعداي ماركەتپلەيستەردەگى ساتىپ الۋلارمەن،
- تاعى 4 مىڭ جاعداي ونلاين-قىزمەتتەردى ۇسىنۋمەن بايلانىستى بولىپ كەلەدى.
ازاماتتاردىڭ سەنگىشتىگىن پايدالانعان قاسكۇنەمدەر نەسيەنى اتىنا ونلاين تۇردە راسىمدەتىپ الادى نەمەسە قاشىقتان قول جەتكىزۋدىڭ ءتۇرلى باعدارلامالارىن تەلەفونعا جۇكتەۋ ارقىلى ولاردى ءوز تورىنا تۇسىرەدى.
