پارلامەنت پالاتالارىنىڭ بٸرلەسكەن وتىرىسىندا دەپۋتاتتار "الاتاۋ قالاسىنىڭ ارناۋلى مەرتەبەسٸ تۋرالى" كونستيتۋتسييالىق زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى Dalanews.kz.
قۇجاتقا سەيكەس الاتاۋ جەكە قارجى مودەلٸ, ارنايى باسقارۋ رەجيمٸ جەنە ساپالىق تۇرعىدان جاڭا دەڭگەيدەگٸ ينستيتۋتسيونالدىق بازاسى بار دەربەس ەكوجٷيە رەتٸندە قاراستىرىلادى.
قالانى باسقارۋ مودەلٸ قازٸرگٸ جەرگٸلٸكتٸ ەكٸمشٸلٸك باسقارۋ مەن ستراتەگييالىق دامۋدى بٶلۋ قاعيداتىنا نەگٸزدەلمەك. بۇل نەتيجەگە جاۋاپ بەرەتٸن بٸرىڭعاي ورتالىق - Alatau City Authority قۇرۋعا مٷمكٸندٸك بەرەدٸ. سٶز پرەمەر-مينيستر باسقاراتىن كەڭەس جەتەكشٸلٸك ەتەتٸن, ٷكٸمەت قۇرامىنا كٸرمەيتٸن مەملەكەتتٸك ورگانعا اينالاتىن مەملەكەتتٸك قور نىسانىنداعى ەكٸمشٸلٸك تۋرالى بولىپ وتىر.
كەڭەس قالانى دامىتۋعا قاتىستى ستراتەگييالىق شەشٸمدەردٸ, سونداي-اق, ەكٸمشٸلٸك اكتٸلەرٸن بەكٸتەدٸ. بۇل اكتٸلەردٸڭ زاڭدى كٷشٸ جەرگٸلٸكتٸ دەڭگەيدە زاڭدارعا تەڭەستٸرٸلەدٸ. ەكٸمشٸلٸكتٸڭ اتقارۋشى فۋنكتسيياسىن باس اتقارۋشى ديرەكتور جٷزەگە اسىرادى.
بۇل رەتتە مەسليحات پەن ەكٸمدٸك سيياقتى كونستيتۋتسييالىق جەرگٸلٸكتٸ باسقارۋ ورگاندارىنىڭ قىزمەتٸ تٷبەگەيلٸ ٶزگەرمەيدٸ. ولار قالانىڭ ەلەۋمەتتٸك, كوممۋنالدىق جەنە ساياسي سالالارداعى كٷندەلٸكتٸ تٸرشٸلٸگٸن قامتاماسىز ەتەدٸ.
الاتاۋدى دامىتۋ ەۋەل باستان تولىققاندى Smart City - Digital by default ("اۆتوماتتى تسيفرلىق") قاعيداتىنا نەگٸزدەلگەن زيياتكەرلٸك قالا رەتٸندە قاراستىرىلادى. باسقارۋدىڭ بارلىق نەگٸزگٸ پروتسەسٸ تسيفرلىق فورماتتا جوبالانىپ, جاساندى ينتەللەكتٸگە نەگٸزدەلگەن شەشٸمدەرمەن توعىسادى.
