اكىمدىكتىڭ مالىمەتىنشە، قۇرىلىس جۇمىستارىن اياقتاپ، جوبانى ىسكە قوسۋ 2024 جىلدىڭ قاراشاسىنا جوسپارلانعان. وسىلايشا، تەرەكتى ىقشاماۋدانىنىڭ 7 مىڭنان استام تۇرعىنى ورتالىقتاندىرىلعان سۋ جانە كارىز جەلىلەرىمەن قامتىلاتىن بولادى.
ال تامىز ايىنىڭ سوڭىندا «راحات-مادەنيەت» ىقشاماۋدانىندا 131،7 شاقىرىمدى قۇرايتىن ينجەنەرلىك جەلىلەردىڭ قۇرىلىسى باستالادى. 2024 جىلدىڭ جەلتوقسان ايىنا دەيىن جالعاساتىن قۇرىلىس جۇمىستارىنا تەحنيكالىق دايىندىق جۇمىستارى جۇرگىزىلۋدە. جوبا جۇزەگە اسقاندا 14 مىڭنان استام تۇرعىن ورتالىق سۋ جانە كارىز جەلىلەرىمەن قامتىلادى.
– جۇمىسقا تاپسىرىس بەرۋشىلەر رەتىندە ءبىز جۇمىس اياقتالعان كەزدە اقاۋلاردىڭ الدىن الۋ ءۇشىن سىعىلمايتىن توپىراقپەن تولتىرۋدى، ال بۇرىن اسفالتتالعان كوشەلەردى، جولدى قالپىنا كەلتىرۋدى قاراستىردىق. جەلىلەردىڭ قۇرىلىسى اياقتالعانشا جول-قۇرىلىس جۇمىستارى جۇرگىزىلەتىن بولادى. سونىڭ سالدارىنان كولىك قوزعالىسىنا ۋاقىتشا قولايسىزدىقتار تۋىندايدى. ال قۇرىلىس جۇمىستارى ءبىزدىڭ تۇراقتى باقىلاۋىمىزدا بولادى، – دەدى الاتاۋ اۋدانىنىڭ اكىمى ازامات قالدىبەكوۆ.
اۋدان اكىمى الاتاۋ اۋدانى الماتى قالاسىنا قوسىلعانعا دەيىن جەكە تۇرعىن ءۇي قۇرىلىستارى ورتالىق كارىز جۇيەسىسىز سالىنعانىن العا تارتتى. جەكە سەكتورداعى اعىندى سۋلار اۋلالاردا ورنالاسقان سەپتيكتەرگە قۇيىلىپ، توپىراق پەن جەر استى سۋلارىن لاستاپ كەلگەن. جاڭا ينجەنەرلىك جەلىلەر ىسكە قوسىلعاننان كەيىن بۇل قيىندىقتاردىڭ ءبارى ارتتا قالاتىن بولادى.
– اۋدانىمىزداعى كەي جەرلەردە جەر استى سۋلارى ۇزدىكسىز جەر بەتىنە شىعادى. وسى وزەكتى ماسەلەنى شەشۋ ءۇشىن 2023 جىلى رەسپۋبليكالىق بيۋدجەتتەن كارىز جەلىلەرىن تارتۋعا قاراجات بولىنگەن بولاتىن. جوبا ازىرلەنىپ، ءقازىر جۇزەگە اسىرىلۋدا. جەكە سەكتوردا جاڭا جەلىلەردى تارتۋ ءىسى – قالا بيلىگى ايرىقشا كوڭىل ءبولىپ وتىر، – دەپ قوستى ازامات قالدىبەكوۆ.
