الماتىدا ءال-فارابي داڭعىلىنداعى ادام ولىمىنە اكەلگەن جول-كولىك وقيعاسىنا بايلانىستى پوليسيا قىزمەتكەرى قاماۋعا الىندى، دەپ حابارلايدى DalaNews.
دەرەككوزدەردىڭ مالىمەتىنشە، قالالىق پوليسيا باسشىلىعىنىڭ كومەكشىسى، سەرجانت اسەت جاقسىلىقوۆ ۇستالعان. وعان ق ر قىلمىستىق كودەكسىنىڭ 370-بابى 4-بولىگى («قىزمەتتەگى ارەكەتسىزدىك») بويىنشا ايىپ تاعىلىپ وتىر.
تەرگەۋ اياسىندا تاعى ءبىر ماڭىزدى جايت تەكسەرىلۋدە "كۇدىكتى اتىشۋلى جول اپاتىندا «شاشكا» ويناپ، جارىسقان ەكىنشى جۇرگىزۋشى بولۋى مۇمكىن دەگەن بولجام بار.
سونىمەن قاتار، ونىڭ تىكەلەي باسشىسى الماتى قالاسى پد باسشىسىنىڭ ورىنباسارى ەرجان ۇزابايەۆ قىزمەتىنەن بوساتىلعانى بەلگىلى بولدى.
قۇقىق قورعاۋ ورگاندارىنداعى بۇل جاعداي قوعامدا رەزونانس تۋعىزىپ، پوليسيا جۇيەسىندەگى جاۋاپكەرشىلىك پەن باقىلاۋ ماسەلەسىن قايتا كوتەردى. تەرگەۋ جالعاسىپ جاتىر.
