Almatyda Ál-Farabi dańǵylyndaǵy adam ólimine ákelgen jol-kólik oqiǵasyna bailanysty politsiia qyzmetkeri qamaýǵa alyndy, dep habarlaidy DalaNews.
Derekkózderdiń málimetinshe, qalalyq politsiia basshylyǵynyń kómekshisi, serjant Aset Jaqsylyqov ustalǵan. Oǵan QR Qylmystyq kodeksiniń 370-baby 4-bóligi («Qyzmettegi áreketsizdik») boiynsha aiyp taǵylyp otyr.
Tergeý aiasynda taǵy bir mańyzdy jait tekserilýde "kúdikti atyshýly jol apatynda «shashka» oinap, jarysqan ekinshi júrgizýshi bolýy múmkin degen boljam bar.
Sonymen qatar, onyń tikelei basshysy Almaty qalasy PD basshysynyń orynbasary Erjan Uzabaev qyzmetinen bosatylǵany belgili boldy.
Quqyq qorǵaý organdaryndaǵy bul jaǵdai qoǵamda rezonans týǵyzyp, politsiia júiesindegi jaýapkershilik pen baqylaý máselesin qaita kóterdi. Tergeý jalǵasyp jatyr.
