الماتىداعى ەل-فارابي داڭعىلىندا ادام ٶلٸمٸنە ەكەلگەن جول اپاتى بويىنشا جەبٸرلەنۋشٸ تاراپ كٷدٸكتٸ الەكساندر پاكپەن تاتۋلاسقانىن مەلٸمدەپ, سوتتان وعان باس بوستاندىعىنان ايىرمايتىن جازا تاعايىنداۋدى سۇرادى, دەپ حابارلايدى dalanews.kz.
مارقۇم جٷرگٸزۋشٸ ەلامان قايىرجانوۆتىڭ تۋىستارىنىڭ ايتۋىنشا, قايعىلى وقيعاعا قاراماستان, ولار كٷدٸكتٸمەن ٶزارا كەلٸسٸمگە كەلگەن.
جەبٸرلەنۋشٸ تاراپتىڭ سٶزٸنشە, الەكساندر پاك كٸنەسٸن تولىق مويىنداپ, جاساعان ٸسٸنە ٶكٸنٸش بٸلدٸرٸپ, مارقۇمنىڭ جاقىندارىنان كەشٸرٸم سۇراعان.
سونداي-اق كٷدٸكتٸ ماتەريالدىق شىعىن مەن مورالدىق ٶتەماقىنى تولىق ٶتەگەن. بۇل دەرەكتٸ مارقۇمنىڭ تۋىستارى دا راستادى.
«بٸزدە الەكساندر پاكقا قاتىستى ماتەريالدىق تا, مورالدىق تا ەشقانداي شاعىم جوق. بولاشاقتا دا بولمايدى. تاتۋلاسۋ ەشقانداي قىسىمسىز, ٶز ەركٸمٸزبەن بولدى. ونىڭ قۇقىقتىق سالدارى بٸزگە تٷسٸندٸرٸلدٸ جەنە بٸز ونى تولىق تٷسٸنەمٸز», – دەدٸ مارقۇمنىڭ تۋىسى.
مارقۇمنىڭ جاقىندارى ەلامان قايىرجانوۆتىڭ ٶلٸمٸنە بايلانىستى الەكساندر پاكتى تولىق كەشٸرگەندەرٸن ايتىپ, وعان باس بوستاندىعىنان ايىرۋمەن بايلانىستى ەمەس جازا قولدانۋدى سۇرادى.
«بٸزدٸڭ ويىمىزشا, وعان شارتتى جازا تاعايىنداۋ جەتكٸلٸكتٸ. قازٸرگٸ ۋاقىتتا دا, بولاشاقتا دا وعان ەشقانداي تالابىمىز بولمايدى», – دەپ مەلٸمدەدٸ جەبٸرلەنۋشٸ تاراپ.
سوت وتىرىسىندا تاعى بٸر جەبٸرلەنۋشٸ قۇمر تەڭەلباەۆانىڭ تۋىستارى دا الەكساندر پاكتى كەشٸرگەندەرٸن ايتىپ, وعان شارتتى جازا تاعايىنداۋدى سۇرادى.
