قازاقستاندا كاسساتسييالىق سوت قىزدىڭ ٶز ەكەسٸن ٷيدەن شىعارۋ تۋرالى تالابىن زاڭسىز دەپ تانىپ, تٶمەنگٸ ساتىداعى سوتتاردىڭ شەشٸمٸنە نٷكتە قويدى, دەپ حابارلايدى dalanews.kz.
ٸس ماتەريالدارىنا سەيكەس, ٷيدٸڭ زاڭدى يەسٸ سانالاتىن ەيەل ەكەسٸن تۇرعىن ٷيدەن شىعارۋ تۋرالى تالاپپەن سوتقا جٷگٸنگەن. الايدا سوت جاۋاپكەردٸڭ بۇل ٷيدە زاڭدى نەگٸزدە تۇرىپ جاتقانىن انىقتاعان.
«تالاپ قويۋشى ەكەسٸن تۇرعىن ٷيدەن شىعارۋ تۋرالى تالاپپەن سوتقا جٷگٸندٸ. ول بۇل تالابىن ٷيگە مەنشٸك قۇقىعىنىڭ ٶز اتىنا تٸركەلۋٸمەن نەگٸزدەگەن. الايدا جاۋاپكەر تالاپ قويۋشىنىڭ تۋعان ەكەسٸ بولىپ تابىلادى. “تۇرعىن ٷي قاتىناستارى تۋرالى” زاڭنىڭ 68-بابىنا سەيكەس, تۇرعىن ٷي يەسٸنٸڭ وتباسى مٷشەلەرٸ مەنشٸك يەسٸمەن تەڭ دەرەجەدە وسى تۇرعىن ٷيدٸ پايدالانۋعا قۇقىلى. جاۋاپكەر 2022 جىلدىڭ قىركٷيەگٸنەن بەرٸ اتالعان ٷيدە زاڭدى نەگٸزدە تۇرىپ كەلەدٸ جەنە وسى ۋاقىت ٸشٸندە تالاپ قويۋشى ونىڭ تۇرۋىنا قارسىلىق بٸلدٸرمەگەن», – دەپ حابارلادى كاسساتسييالىق سوتتاردىڭ باسپاسٶز قىزمەتٸ.
بۇعان دەيٸن بٸرٸنشٸ ساتىداعى سوت قىزدىڭ تالابىن قاناعاتتاندىرىپ, ەكەسٸن ٷيدەن شىعارۋ تۋرالى شەشٸم شىعارعان.
الايدا اپەللياتسييالىق سوت بۇل شەشٸمنٸڭ كٷشٸن جويىپ, تالاپتى قاناعاتتاندىرۋدان باس تارتقان. كەيٸن كاسساتسييالىق سوت تا اپەللياتسييالىق ينستانتسييانىڭ ۇستانىمىن قولداپ, ەكەنٸ تۇرعىن ٷيدەن شىعارۋ تۋرالى تالاپ زاڭ تالاپتارىنا قايشى دەگەن قورىتىندىعا كەلدٸ.
«جاۋاپكەردٸڭ جالعىز باسپاناسىنا قاتىستى قۇقىقتارىنىڭ بۇزىلعانىن ەسكەرە وتىرىپ, اپەللياتسييالىق سوت تالاپ قويۋشىنىڭ ونى ٷيدەن شىعارۋ تۋرالى تالابىن زاڭسىز دەپ تانىدى. كاسساتسييالىق سوت ازاماتتىق ٸستەر جٶنٸندەگٸ القانىڭ بۇل قورىتىندىسىن “تۇرعىن ٷي قاتىناستارى تۋرالى” زاڭ تالاپتارىنا سەيكەس دەپ تانىپ, اپەللياتسييالىق قاۋلىنى كٷشٸندە قالدىردى», – دەلٸنگەن سوت حابارلاماسىندا.
