Qazaqstanda kassatsiialyq sot qyzdyń óz ákesin úiden shyǵarý týraly talabyn zańsyz dep tanyp, tómengi satydaǵy sottardyń sheshimine núkte qoidy, dep habarlaidy dalanews.kz.
Is materialdaryna sáikes, úidiń zańdy iesi sanalatyn áiel ákesin turǵyn úiden shyǵarý týraly talappen sotqa júgingen. Alaida sot jaýapkerdiń bul úide zańdy negizde turyp jatqanyn anyqtaǵan.
«Talap qoiýshy ákesin turǵyn úiden shyǵarý týraly talappen sotqa júgindi. Ol bul talabyn úige menshik quqyǵynyń óz atyna tirkelýimen negizdegen. Alaida jaýapker talap qoiýshynyń týǵan ákesi bolyp tabylady. “Turǵyn úi qatynastary týraly” zańnyń 68-babyna sáikes, turǵyn úi iesiniń otbasy músheleri menshik iesimen teń dárejede osy turǵyn úidi paidalanýǵa quqyly. Jaýapker 2022 jyldyń qyrkúieginen beri atalǵan úide zańdy negizde turyp keledi jáne osy ýaqyt ishinde talap qoiýshy onyń turýyna qarsylyq bildirmegen», – dep habarlady Kassatsiialyq sottardyń baspasóz qyzmeti.
Buǵan deiin birinshi satydaǵy sot qyzdyń talabyn qanaǵattandyryp, ákesin úiden shyǵarý týraly sheshim shyǵarǵan.
Alaida apelliatsiialyq sot bul sheshimniń kúshin joiyp, talapty qanaǵattandyrýdan bas tartqan. Keiin kassatsiialyq sot ta apelliatsiialyq instantsiianyń ustanymyn qoldap, ákeni turǵyn úiden shyǵarý týraly talap zań talaptaryna qaishy degen qorytyndyǵa keldi.
«Jaýapkerdiń jalǵyz baspanasyna qatysty quqyqtarynyń buzylǵanyn eskere otyryp, apelliatsiialyq sot talap qoiýshynyń ony úiden shyǵarý týraly talabyn zańsyz dep tanydy. Kassatsiialyq sot azamattyq ister jónindegi alqanyń bul qorytyndysyn “Turǵyn úi qatynastary týraly” zań talaptaryna sáikes dep tanyp, apelliatsiialyq qaýlyny kúshinde qaldyrdy», – delingen sot habarlamasynda.
