تٷركٸستان وبلىسىندا ەكەسٸن ۇرىپ ٶلتٸرگەن ەر ادامعا قاتىستى ٷكٸم قايتا قارالىپ, جازا مەرزٸمٸ ۇلعايتىلدى, دەپ حابارلايدى Dala News.
اپەللياتسييالىق سوت الماس ساداكباەۆقا تاعايىندالعان جازانى 5 جىلدان 7 جىلعا دەيٸن كٷشەيتتٸ. سوت شەشٸمٸ قىلمىستىڭ اۋىرلىعىنا بايلانىستى قابىلدانعان.
تەرگەۋ مەلٸمەتٸنشە, ەر ادام اۋىر ناۋقاس ەكەسٸنە بٸرنەشە رەت كٷش كٶرسەتكەن. بۇل جاعداي ٶتكەن جىلى شاردارا اۋدانىنداعى كٶسەيٸت اۋىلىندا تٷسٸرٸلگەن بەينەجازبادان كەيٸن بەلگٸلٸ بولدى.
كادرلاردا ونىڭ قارت ەكەسٸن ۇرىپ-سوعىپ, سٷيرەگەنٸ كٶرٸنەدٸ. ساراپتاما نەتيجەسٸندە مارقۇمنىڭ قابىرعالارى مەن مۇرنى سىنعانى, دەنەسٸندە كٶپتەگەن قان قۇيىلۋ ٸزدەرٸ بولعانى انىقتالدى. كەي جاراقاتتاردىڭ ەسكٸ ەكەنٸ, زورلىقتىڭ جٷيەلٸ تٷردە جاسالعانىن كٶرسەتكەن.
قارت ادام ٶزدٸگٸنەن قوزعالا الماعان, تولىقتاي ۇلىنا تەۋەلدٸ بولعان. كەزەكتٸ سوققىدان كەيٸن ول كٶز جۇمعان.
ماماندار ناقتى ٶلٸم سەبەبٸن انىقتاي الماعانىمەن, جەبٸرلەنۋشٸنٸڭ ۇزاق ۋاقىت بويى زورلىق كٶرگەنٸ دەلەلدەندٸ.
