Túrkistan oblysynda ákesin uryp óltirgen er adamǵa qatysty úkim qaita qaralyp, jaza merzimi ulǵaityldy, dep habarlaidy Dala News.
Apelliatsiialyq sot Almas Sadakbaevqa taǵaiyndalǵan jazany 5 jyldan 7 jylǵa deiin kúsheitti. Sot sheshimi qylmystyń aýyrlyǵyna bailanysty qabyldanǵan.
Tergeý málimetinshe, er adam aýyr naýqas ákesine birneshe ret kúsh kórsetken. Bul jaǵdai ótken jyly Shardara aýdanyndaǵy Kóseiit aýylynda túsirilgen beinejazbadan keiin belgili boldy.
Kadrlarda onyń qart ákesin uryp-soǵyp, súiregeni kórinedi. Saraptama nátijesinde marqumnyń qabyrǵalary men murny synǵany, denesinde kóptegen qan quiylý izderi bolǵany anyqtaldy. Kei jaraqattardyń eski ekeni, zorlyqtyń júieli túrde jasalǵanyn kórsetken.
Qart adam ózdiginen qozǵala almaǵan, tolyqtai ulyna táýeldi bolǵan. Kezekti soqqydan keiin ol kóz jumǵan.
Mamandar naqty ólim sebebin anyqtai almaǵanymen, jábirlenýshiniń uzaq ýaqyt boiy zorlyq kórgeni dáleldendi.
