الماتىدان بانگكوككە باعىت العان Air Astana ۇشاعى تٷن ورتاسىندا دەليگە مەجبٷرلٸ تٷردە قونعان. ۇشاق بورتىنداعى جولاۋشىلاردىڭ ايتۋىنشا, سول جاقتاعى قوزعالتقىشتان جارىلىس داۋسى شىققان, دەپ حابارلايدى Dalanews.kz
بۇل ۇلتتىق ەۋە تاسمالداۋشى كومپانيياداعى بٸر كٷندە بولعان ەكٸنشٸ اپاتتى جاعداي. 17 جەلتوقساندا الماتىدان استاناعا ۇشىپ شىققان Airbus A321 بورتىندا تٷتٸن شىعىپ جولاۋشىلاردىڭ ەسٸن شىعارعان. ۇشاق ەكيپاجى كٶمەك سۇراپ MAYDAY دابىل بەلگٸسٸن جارييالاعان. ارتىنشا الماتى ەۋەجايىنا ۇشىپ كەلٸپ قوندى.
ال ەكٸنشٸ اپاتتى جاعداي حالىقارالىق رەيستە بولدى. الماتى-بانگكوك رەيسٸندەگٸ جولاۋشىلار سول جاق قوزعالتقىش ماڭىنان جارىلىس داۋسىن انىق ەستٸدٸك دەيدٸ. ارتىنشا ۇشاق تٶمەندەپ, سالون ٸشٸنەن كٷيگەن يٸس شىققان. سوسىن ەكيپاج ۇشاقتى دەلي قالاسىنا قوندىرۋعا مەجبٷر بولىپتى. ەكٸ ساعاتتاي كٷتكەن جولاۋشىلارعا ارى قاراي ۇشپايمىز دەگەن حابار جەتٸپتٸ. قازٸر جولاۋشىلار ەۋەجاي تەرمينالىندا وتىر.
