Almatydan Bangkokke baǵyt alǵan Air Astana ushaǵy tún ortasynda Delige májbúrli túrde qonǵan. Ushaq bortyndaǵy jolaýshylardyń aitýynsha, sol jaqtaǵy qozǵaltqyshtan jarylys daýsy shyqqan, dep habarlaidy Dalanews.kz
Bul ulttyq áýe tasmaldaýshy kompaniiadaǵy bir kúnde bolǵan ekinshi apatty jaǵdai. 17 jeltoqsanda Almatydan Astanaǵa ushyp shyqqan Airbus A321 bortynda tútin shyǵyp jolaýshylardyń esin shyǵarǵan. Ushaq ekipajy kómek surap MAYDAY dabyl belgisin jariialaǵan. Artynsha Almaty áýejaiyna ushyp kelip qondy.
Al ekinshi apatty jaǵdai halyqaralyq reiste boldy. Almaty-Bangkok reisindegi jolaýshylar sol jaq qozǵaltqysh mańynan jarylys daýsyn anyq estidik deidi. Artynsha ushaq tómendep, salon ishinen kúigen iis shyqqan. Sosyn ekipaj ushaqty Deli qalasyna qondyrýǵa májbúr bolypty. Eki saǵattai kútken jolaýshylarǵa ary qarai ushpaimyz degen habar jetipti. Qazir jolaýshylar áýejai terminalynda otyr.
