قوستاناي وبلىسىندا ەيەلٸن ٶلتٸرٸپ, مەيٸتٸن دالاداعى ەجەتحانانىڭ شۇڭقىرىنا جاسىرعان ەر ادام 11 جىل 6 ايعا باس بوستاندىعىنان ايىرىلدى, دەپ حابارلايدى dalanews.kz.
قايعىلى وقيعا بيىل اقپان ايىندا قوستاناي وبلىسىنىڭ ۇزىنكٶل اۋدانىنداعى ۇباعان اۋىلىندا بولعان.
تەرگەۋ ماتەريالدارىنا سەيكەس, ەرلٸ-زايىپتىلار اراسىنداعى جانجال كەزٸندە ەر ادام ەيەلٸن تۇنشىقتىرىپ ٶلتٸرگەن. كەيٸن ونىڭ موينىنا پىشاق سۇعىپ, مەيٸتتٸ دالاداعى ەجەتحانانىڭ شۇڭقىرىنا جاسىرىپ, ٷستٸن قار مەن شٶپپەن كٶمكەرگەن.
وسىدان كەيٸن سوتتالۋشى ەكٸ ايعا جۋىق ۋاقىت بويى تۋىستارىنا ەيەلٸنٸڭ جۇمىس ٸزدەپ كەتكەنٸن ايتىپ, ونى ٸزدەپ جاتقانداي كەيٸپ تانىتقان.
سوت ەر ادامدى جۇبايىن قاساقانا ٶلتٸرگەنٸ ٷشٸن كٸنەلٸ دەپ تانىپ, 11 جىل 6 اي مەرزٸمگە باس بوستاندىعىنان ايىرۋ جازاسىن تاعايىندادى.
سونىمەن قاتار سوت شەشٸمٸمەن جەبٸرلەنۋشٸ تاراپتىڭ پايداسىنا 10 ملن تەڭگە كٶلەمٸندە مورالدىق زييان ٶتەماقىسى, سونداي-اق ماتەريالدىق شىعىن مەن ٸس جٷرگٸزۋ شىعىندارى ٶندٸرٸلەتٸن بولدى.
ٷكٸم ەزٸرگە زاڭدى كٷشٸنە ەنگەن جوق.
