Qostanai oblysynda áielin óltirip, máiitin daladaǵy ájethananyń shuńqyryna jasyrǵan er adam 11 jyl 6 aiǵa bas bostandyǵynan aiyryldy, dep habarlaidy dalanews.kz.
Qaiǵyly oqiǵa biyl aqpan aiynda Qostanai oblysynyń Uzynkól aýdanyndaǵy Ubaǵan aýylynda bolǵan.
Tergeý materialdaryna sáikes, erli-zaiyptylar arasyndaǵy janjal kezinde er adam áielin tunshyqtyryp óltirgen. Keiin onyń moinyna pyshaq suǵyp, máiitti daladaǵy ájethananyń shuńqyryna jasyryp, ústin qar men shóppen kómkergen.
Osydan keiin sottalýshy eki aiǵa jýyq ýaqyt boiy týystaryna áieliniń jumys izdep ketkenin aityp, ony izdep jatqandai keiip tanytqan.
Sot er adamdy jubaiyn qasaqana óltirgeni úshin kináli dep tanyp, 11 jyl 6 ai merzimge bas bostandyǵynan aiyrý jazasyn taǵaiyndady.
Sonymen qatar sot sheshimimen jábirlenýshi taraptyń paidasyna 10 mln teńge kóleminde moraldyq ziian ótemaqysy, sondai-aq materialdyq shyǵyn men is júrgizý shyǵyndary óndiriletin boldy.
Úkim ázirge zańdy kúshine engen joq.
