حالىقارالىق كاسىبي بوكس قاۋىمداستىعى (AIBA) 2016 جىلعى وليمپيادا ويىندارىنداعى داۋلى جەكپە-جەكتەر تۋرالى رەسمي اقپارات تاراتتى دەپ حابارلادى Vesti.kz.
ريودا كورسەتىلىپ ۇلگەرگەن 239 جەكپە-جەكتى ساراپتاي كەلە،
ۇيىم „قازىلاردىڭ كەيبىر شەشىمى قاجەتتى دەڭگەيدە قابىلدانباعان„ دەگەن قورىتىندىعا كەلدى. قاتەلىككە بوي الدىرعان تورەشىلەر مەن قازىلار 2016 جىلعى وليمپيادا ويىندارى اياقتالعانشا جۇمىستارىنان شەتتەتىلەدى.
قانداي جەكپە-جەكتەردە قاتەلىك جىبەرىلدى؟ ليەۆيت-تيششەنكو ايقاسىنىڭ شەشىمىنە قاتىستى ماسەلە قاراستىرىلىپ جاتىر ما؟ بۇل تۋرالى ەشتەڭە ايتىلمايدى.
جالپى، وليمپيادا تاريحىندا جەڭىستى قايتا قاراعان ءسات بولعان.
ماسەلەن، 2012 جىلعى وليمپيادا ويىندارىندا AIBA ءازىربايجان بوكسشىسى ماگومەد ابدۋلگاميدوۆتىڭ جەڭىسىن جوققا (اننۋليروۆال) شىعارىپ، ونى جاپوندىق بوكسشى ساتوشي شيميدزۋعا الىپ بەرگەن. قازىلار القاسى سوڭعى راۋندتا بىرنەشە رەت شايقالاقتاپ قۇلاعان ءازىربايجان بوكسشىسىنىڭ نوكداۋندارىن تىركەمەي قويعان ەدى.
سوندىقتان AIBA ادىلەتسىزدىك جاساعان ليەۆيتكە التىن مەدالىن قايتارىپ بەرۋى ابدەن مۇمكىن.
ەسكە سالا كەتەلىك، قازاقستاندىق بوكسشى ۆاسيليي ليەۆيت رەسەيلىك ەۆگەنيي تيششەنكوعا 0:3 ۇپايىمەن جول بەردى. ءبىراق سول كەزدە زالداعىلار، ودان كەيىن حالىقارالىق باسپا ءسوز بەن وسى سالانىڭ مايتالماندارى قازىلاردىڭ شەشىمى ادىلەتسىز بولعانىن ايتىپ، ءبىر شۋلاستى. سونىڭ ىشىندە ليەۆيتتى جەڭگەن رەسەيلىك تاراپتىڭ دا سپورت وكىلدەرى بار.
ليەۆيتتىڭ ءوزى دە قازىلار شەشىمىمەن كەلىسپەدى. ول مۇنى رەسەيلىك بوكسشىمەن بىرگە سۋرەتكە تۇسكەندە كۇمىس مەدالىن قالتاسىنا سۇڭگىتىپ جىبەرىپ، اڭعارتقان ەدى. ياعني، سۋرەتكە تەك ءبىر مەدال عانا ءتۇستى. وسىلايشا بۇل سۋرەت مۇنداعى التىن ليەۆيتكە لايىق دەگەندى اڭعارتقانداي.
الەۋمەتتىك جەلىدە دە بۇل جەكپە-جەكتەگى قارالىق تۋرالى قوعامدىق تالقى ءالى ءورشىپ تۇر. ءتىپتى، قازاقستاندىقتار بۇل جەكپە-جەكتىڭ قورىتىندىسىن قايتا قاراۋدى تالاپ ەتەتىن پەتيسيا جاريالاپ، ينتەرنەتتە قول جيناي باستاعان. ءبىر كۇننىڭ ىشىندە قاجەتتى 20 مىڭ قول جينالىپ قالعان ەدى. الايدا بۇل ينتەرنەت پەتيسيا ءوز ميسسياسىنا جەتپەي ورتا جولدان بۇعاتتالدى.
دەرەككوز: kaz.365info.kz
[caption id="attachment_19074" align="aligncenter" width="800"]
ليەۆيت تيششەنكو[/caption]
