Halyqaralyq kásibi boks qaýymdastyǵy (AIBA) 2016 jylǵy Olimpiada oiyndaryndaǵy daýly jekpe-jekter týraly resmi aqparat taratty dep habarlady Vesti.kz.
Rioda kórsetilip úlgergen 239 jekpe-jekti saraptai kele,
uiym „qazylardyń keibir sheshimi qajetti deńgeide qabyldanbaǵan„ degen qorytyndyǵa keldi. Qatelikke boi aldyrǵan tóreshiler men qazylar 2016 jylǵy Olimpiada oiyndary aiaqtalǵansha jumystarynan shettetiledi.
Qandai jekpe-jekterde qatelik jiberildi? Levit-Tishenko aiqasynyń sheshimine qatysty másele qarastyrylyp jatyr ma? Bul týraly eshteńe aitylmaidy.
Jalpy, Olimpiada tarihynda jeńisti qaita qaraǵan sát bolǵan.
Máselen, 2012 jylǵy Olimpiada oiyndarynda AIBA ázirbaijan boksshysy Magomed Abdýlgamidovtyń jeńisin joqqa (annýliroval) shyǵaryp, ony japondyq boksshy Satoshi Shimidzýǵa alyp bergen. Qazylar alqasy sońǵy raýndta birneshe ret shaiqalaqtap qulaǵan ázirbaijan boksshysynyń nokdaýndaryn tirkemei qoiǵan edi.
Sondyqtan AIBA ádiletsizdik jasaǵan Levitke altyn medalin qaitaryp berýi ábden múmkin.
Eske sala ketelik, qazaqstandyq boksshy Vasilii Levit reseilik Evgenii Tishenkoǵa 0:3 upaiymen jol berdi. Biraq sol kezde zaldaǵylar, odan keiin halyqaralyq baspasóz ben osy salanyń maitalmandary qazylardyń sheshimi ádiletsiz bolǵanyn aityp, bir shýlasty. Sonyń ishinde Levitti jeńgen reseilik taraptyń da sport ókilderi bar.
Levittiń ózi de qazylar sheshimimen kelispedi. Ol muny reseilik boksshymen birge sýretke túskende kúmis medalin qaltasyna súńgitip jiberip, ańǵartqan edi. Iaǵni, sýretke tek bir medal ǵana tústi. Osylaisha bul sýret mundaǵy altyn Levitke laiyq degendi ańǵartqandai.
Áleýmettik jelide de bul jekpe-jektegi qaralyq týraly qoǵamdyq talqy áli órship tur. Tipti, qazaqstandyqtar bul jekpe-jektiń qorytyndysyn qaita qaraýdy talap etetin petitsiia jariialap, internette qol jinai bastaǵan. Bir kúnniń ishinde qajetti 20 myń qol jinalyp qalǵan edi. Alaida bul internet petitsiia óz missiiasyna jetpei orta joldan buǵattaldy.
Derekkóz: kaz.365info.kz
[caption id="attachment_19074" align="aligncenter" width="800"]
