العاشقى ٷشەۋٸن ٷيلەرٸنە جاقىنداتىپ تاستادىم. ەڭگٸمەلەرٸنە قاراعاندا شارشاعاندى باسۋ ٷشٸن دٷكەننەن ەكٸ شٶلمەك الىپ, بٸرەۋٸنٸڭ ٷيٸنە بارىپ ٸشپەكشٸ. ايتقان جەرٸنە توقتادىم. قوشتاستىق. وردا بۇزار جٸگٸتتەر دٷكەنگە كٸرٸپ كەتتٸ. شٶلمەكتەن باسقا ٷيلەرٸنە ازىق الار ما ەكەن دەگەن ويمەن كٶلٸگٸمدٸ شۇقىلاپ, سەل كٸدٸردٸم. دٷكەننەن ەكٸ جارتى مەن "كولا" سۋسىنىن كٶتەرٸپ شىقتى. ازىق, نە بالالارعا تەتتٸ العانىن كٶرمەدٸم.
ەندٸ وسىلاردىڭ ٷلكەندەرٸن ٷيلەرٸنە اپارۋ ٷشٸن اعامنىڭ ٷيٸنە قايتا كەلدٸم. بۇلاردان بٶلەك كەنتتٸڭ وسى جاعىندا تۇراتىن تاعى ەكٸ اعايىن مٸندٸ كٶلٸككە. ەلەۋ بەس جاستاعى شەبەرلەردٸڭ بريگاديرٸ جەڭگەممٸزبەن رۋلاس ەكەن. ەكٸنشٸسٸ قىرىق بەستەگٸ جٸگٸت اعاسى. ماشينادا كەلەمٸز. قۇدا بٸر دٷكەنگە توقتاۋىمدى ٶتٸندٸ. توقتادىم. بٸر جارتى مەن تٸستەمەگٸن الىپ كٶلٸككە قايتا مٸندٸ. شەبەرلەرگە راحمەتٸن ايتىپ, ٷيٸنە اپارىپ اۋلادا تٶرتەۋٸ ٸشتٸ. مەنٸڭ ون مينۋت كٷتە تۇرۋىمدى سۇرادى. قۇدانىڭ سٶزٸن جەرگە تاستاي المايسىڭ. كٷتتٸم. شەبەردٸڭ جاسى كٸشٸسٸ اراقتى قويعاندىقتان ٸشۋدەن باس تارتتى. ٷشەۋٸ ون مينۋتتا تاۋىستى. ٷلكەنٸ الپىس تٶرتتە. اعامنىڭ بٶلەسٸ الپىستا.
ٸشٸلٸپ بولعان سوڭ ماشيناعا قايتا وتىردى. ەكٸنشٸ شەبەردٸ ٷيٸنە اپارىپ تاستادىق. كٶلٸكتە قالعانى ەكەۋٸ عانا. بٸر كەزدە قىزىپ قالعان شەبەر, «مەنٸڭ اعام بولادى ەكەنسٸز. مەن سٸزدٸڭ اراعىڭىزدى ٸشتٸم, راحمەت, سىيلادىڭىزدار! ەندٸ سٸزگە الىپ بەرۋٸم كەرەك» دەپ اعاسىنىڭ قارسىلىعىنا قاراماستان بٸر شٶلمەك الدى دٷكەننەن. ەكەۋٸ بۇنى كٶپسٸنٸپ, اعام بٶلەسٸنە قايتا كەلدٸ دە ٷشەۋلەپ تاۋىستى.
سوندا دەيمٸن, بەس جٸگٸت بٸر كٷندە ەرقايسىسى بەس مىڭ تەڭگەدەن تاپتى. سولاردىڭ تەك بٸرەۋٸ عانا اقشاسىن ٷيٸنە تٷگەل الىپ باردى. جاس ٷش جٸگٸت ەرٸ قاراي جالعاستىرىپ كەتپەسە (نەگٸزٸنەن بٸر جارتىنىڭ ارتى جالعاسا بەرەتٸنٸ سٶزسٸز) كەم دەگەندە جارتىسىن اپارار ٷيلەرٸنە. ەڭ ٷلكەنٸ ٷيٸنە تەڭ جارتىسىن اپارعانى انىق. قازٸرگٸ قازاقتىڭ قولىنان ٸس كەلەدٸ-اۋ دەگەن شەبەر جٸگٸتتەرٸنٸڭ كٷندەلٸكتٸ تٸرلٸكتەرٸ وسى.
جٸگٸتتەر! اراق قازاققا سور بولماسا, ەشقاشان باق ەپەرمەيدٸ. ٷيدٸڭ, وتباسىنىڭ قۇت-بەرەكەتٸن قاشىرادى. ٸشپەي-اق قوي سول بەلەنٸ...
مارات شٶمەكەي
(اۆتوردىڭ جازباسى "اتامنىڭ باسى-اي" توبىنا جارييالانعان)
