"اەس سالاتىن جەردٸ انىقتاپ قويدىق, ەندٸ ونى سالعىسى كەلەتٸندەردٸڭ تەحنولوگيياسىن قاراستىرىپ جاتىرمىز" دەدٸ توقاەۆ.
پرەزيدەنت اەس ناقتى قاي جەرگە سالىناتىنىن ايتقان جوق. سول كٷنٸ ەنەرگەتيكا مينيسترٸ بولات اقشولاقوۆ اەس الماتى وبلىسىنداعى بالقاش كٶلٸ ماڭىنداعى ٷلكەن اۋىلىندا سالىناتىنىن ايتتى.
– گەولوگييالىق, سۋ رەسۋرستارى, كليمات جاعدايى, جٷيە مەن جەلٸلەردٸڭ اراقاشىقتىعى سەكٸلدٸ تٷرلٸ پارامەترلەرگە بايلانىستى ەزٸرگە ۋچاسكەنٸڭ ناقتى كوورديناتىن ايتا المايمىن, – دەدٸ مينيستر.
بۇعان دەيٸن بيلٸك ٷلكەن اۋىلىمەن بٸرگە كۋرچاتوۆ قالاسىن دا اتاعان.
9 ماۋسىمدا Ibusiness.kz باسىلىمى "قازاقستاندىق اتوم ەلەكتر ستانتسييالارى" كومپانيياسىنىڭ باس ديرەكتورى تيمۋر جانتيكين, قۇرىلىستى سالۋعا نيەت بٸلدٸرگەن ەكٸ امەريكالىق كومپانييانىڭ ٶتٸنٸشٸن كەرٸ قايتارعان دەپ حابارلادى. ولار شاعىن مودۋلدٸ رەاكتورلار قۇرىلىسىنىڭ جوباسىن ۇسىنعان. نۇر-سۇلتان ەلدەگٸ العاشقى اەس ٷشٸن بۇل تەحنولوگييانى پايدالانۋ قاۋٸپتٸ بولۋى مٷمكٸن دەگەن شەشٸمگە كەلگەن دەپ جازادى باسىلىم.
امەريكالىق كومپانييالاردان كەيٸن قازٸر تٶرت كومپانييانىڭ ٶتٸنٸشٸ قاراستىرىلىپ جاتىر.
– بۇل, ەرينە, "روساتوم" (رەسەي جوباسى), ولار قازٸر بەرٸنەن كٶپ سالادى. ولاردىڭ تەحنولوگييالارى عانا ەمەس, قۇرىلىسىنىڭ ٶزٸ جٷيەگە قويىلعان. فرانتسييا. قازٸر نارىققا قىتاي كٸردٸ, بۇعان قوسا بٸرٸككەن اراب ەمٸرلٸكتەرٸندە ستانتسييا سالىپ, بٸرٸنشٸ بلوگىن ٸسكە قوسقان كورەيا بار. ولار قازٸر ەۋروپا مەن اقش-تا جۇمىس ٸستەپ جاتىر, – دەدٸ تيمۋر جانتيكين.4ونىڭ سٶزٸنشە, 3+ جوباسىنىڭ ەكٸ بلوكتان تۇراتىن ستاندارتقا ساي ستانتسييانىڭ قۇنى شامامەن 8-12 ميلليارد دوللار. جوبا ٶزٸن 14-16 جىلدا اقتاپ شىقپاق.
ەنەرگەتيكا مينيسترلٸگٸ جوسپارىنا سەيكەس, اەس قۇرىلىسى 2035 جىلى بٸتٸپ, ٸسكە قوسىلماق.
رەسەي بۇعان دەيٸن قازاقستاندا اەس سالۋ مەسەلەسٸن بٸرنەشە رەت قوزعاعان. 2019 جىلى سەۋٸردە رەسەي پرەزيدەنتٸ ۆلاديمير پۋتين قازاقستان پرەزيدەنتٸ توقاەۆپەن كەزدەسۋدە قازاقستاندا "رەسەيلٸك تەحنولوگييا" بويىنشا اەس سالۋ تۋرالى ۇسىنىس ايتقان. بۇل اقپارات قازاقستان قوعامىندا ٸرٸ رەزونانس تۋدىردى, جۇرت ۇسىنىستى سىنادى.
