ءانشى مەرۋەرت تۇسىپبايەۆا الەۋمەتتىك جەلىدەگى سىنعا جاۋاپ بەرىپ، ءوز ۇستانىمىن ناقتى جەتكىزدى، دەپ جازادى Dalanews.kz.
ونەر يەسى وسىعان دەيىن سەمىزدىك جايلى ايتقان پىكىرى ءۇشىن كەشىرىم سۇراعانىن ەسكە سالىپ، ارتىق سالماق دەنساۋلىققا زيان كەلتىرەتىنىن اتاپ ءوتتى.
سونىمەن بىرگە ادامداردى بوس وسەككە ۋاقىت جوعالتپاي، سپورتپەن اينالىسىپ، ماڭىزدى ماسەلەلەرگە كوڭىل بولۋگە شاقىردى.
"ودان دا حالىقتىڭ جاعدايىنا كوڭىل بولىڭىزدەر! قوعامنىڭ قىزۋ تالقىسىنا ءتۇسىپ جاتقان اەس-تى زەرتتەڭىزدەر! مەملەكەت پەن حالىقتىڭ جاعدايىن ايتىپ، جىرتىسىن جىرتىڭدار! سوعان كوڭىل بولىڭدەر!”، – دەدى ونەر يەسى.
ونىڭ ايتۋىنشا، اەس تەك ەكولوگيالىق ءقاۋىپ قانا ەمەس، بولاشاق ۇرپاقتىڭ دەنساۋلىعىنا دا ۇلكەن زيان اكەلۋى مۇمكىن.
"مەن بولاشاق ۇرپاقتىڭ، بالالارىنىڭ دەنساۋلىعىنا الاڭدايتىن ءاربىر ازاماتتىڭ بۇل ماسەلەگە بەي-جاي قاراماۋى ءتيىس دەپ ويلايمىن"، – دەدى ول.
ءبىر قىزىعى، سوڭعى ۋاقىتتا ءانشىنىڭ وسى ۇستانىمى ءۇشىن وعان قارسى بوتتار تاراپىنان شابۋىلدار كوبەيىپ كەتكەن. الەۋمەتتىك جەلىلەردە ءانشىنىڭ پىكىرىن جوققا شىعارىپ، ونىڭ ۇستانىمىن سىنعا الاتىن جاساندى اككاۋنتتاردىڭ بەلسەندىلىگى ارتقان. دەگەنمەن مەرۋەرت تۇسىپبايەۆا بۇل شابۋىلدارعا قاراماستان، ءوز كوزقاراسىنان تايماعانىن كورسەتتى.
ونىڭ اەس-كە قارسى مالىمدەمەسى ەرەكشە نازار اۋدارتادى، سەبەبى ءقازىر ونەر ادامدارىنىڭ باسىم كوپشىلىگى بۇل جوبانى قولداپ وتىرعان شاقتا، تۇسىپبايەۆا جالعىز قالسا دا، باتىل شەشىم قابىلداپ، بۇل ماسەلەگە قارسى ەكەنىن اشىق ايتۋعا جۇرەگى جەتتى. ونىڭ بۇل ارەكەتى كوپشىلىك اراسىندا قولداۋعا يە بولىپ، ونەر يەسىنىڭ ناعىز ازاماتتىق ۇستانىمىن كورسەتكەن ەرەكشە قادام رەتىندە باعالاندى.
