الماتىداعى ەل-فارابي داڭعىلىندا ٷش ادامنىڭ ٶمٸرٸن قيعان جول اپاتىنا قاتىستى ادۆوكات دجوحار ٶتەبەكوۆ قۇقىقتىق سالدار جٶنٸندە پٸكٸر بٸلدٸردٸ, دەپ حابارلايدى dalanews.kz.
ونىڭ ايتۋىنشا, مۇنداي ٸستەردە جەبٸرلەنۋشٸ تاراپ كەشٸرگەن كٷننٸڭ ٶزٸندە, تاراپتاردىڭ تاتۋلاسۋى ارقىلى قىلمىستىق ٸستٸ توقتاتۋ مٷمكٸن ەمەس. سەبەبٸ ادام ٶلٸمٸنە ەكەلگەن جول-كٶلٸك وقيعالارى اۋىر قىلمىس ساناتىنا جاتادى.
ادۆوكات شارتتى جازا مەسەلەسٸنە دە توقتالدى. ونىڭ سٶزٸنشە, زاڭ بويىنشا مۇنداي ٸستەردە شارتتى جازا بەرۋگە تٸكەلەي تىيىم جوق. الايدا سوت تەجٸريبەسٸندە مۇنداي شەشٸمدەر ٶتە سيرەك قابىلدانادى.
ٶتەبەكوۆتٸڭ ايتۋىنشا, اتالعان باپ بويىنشا كٷدٸكتٸگە 7 جىلدان 10 جىلعا دەيٸن باس بوستاندىعىنان ايىرۋ جازاسى قاراستىرىلعان. بٸراق تەجٸريبەدە سوتتار كٶبٸنە كەلتٸرٸلگەن شىعىن ٶتەلسە جەنە اۋىرلاتاتىن جاعدايلار بولماسا, 5 جىل شاماسىندا جازا تاعايىندايدى.
سونداي-اق ول سوتتالعان ادام جازاسىن كولونييا-قونىستا ٶتەۋٸ مٷمكٸن ەكەنٸن ايتتى. ادۆوكاتتىڭ سٶزٸنشە, بۇل — قاتاڭ رەجيمدەگٸ مەكەمەلەرمەن سالىستىرعاندا جەڭٸلٸرەك جاعدايداعى تٷزەۋ مەكەمەسٸ.
بۇدان بٶلەك, ادۆوكات تەرگەۋ يزولياتورىندا ٶتكٸزٸلگەن ۋاقىتتىڭ دا ەسەپتەلەتٸنٸن اتاپ ٶتتٸ.
«بٸر كٷن تەرگەۋ يزولياتورىندا وتىرۋ كولونييا-قونىستاعى ەكٸ كٷنگە تەڭەستٸرٸلەدٸ», – دەدٸ ول.
ٶتەبەكوۆ سونداي-اق شارتتى تٷردە مەرزٸمٸنەن بۇرىن بوساۋ مٷمكٸندٸگٸ بار ەكەنٸن ايتتى. ونىڭ سٶزٸنشە, ەگەر سوتتالعان ادام جەڭٸلدەتٸلگەن تەرتٸپكە ٸلٸنسە, جازا مەرزٸمٸنٸڭ تٶرتتەن بٸرٸن ٶتەگەننەن كەيٸن, شامامەن 1 جىل 3 ايدان سوڭ بوستاندىققا شىعۋى مٷمكٸن.
