ورتالىق ىنتىماق الاڭىنان باستالعان جيىندا قالا تۇرعىندارى مەن قوناقتارى قالادا وندىرىلەتىن ونىمدەر كورمەسىن تاماشالادى. سونداي-اق، كيىز ۇيلەردە وتكەن ۇلتتىق سالت-داستۇرلەرگە ارنالعان شارالار مەن ۇلتتىق سپورت تۇرلەرىنەن جارىستاردى كوردى. سۋرەت سالۋ بايقاۋىندا كوركەم سۋرەت مەكتەبىنىڭ وقۋشىلارى قالانىڭ كورىكتى جەرلەرىن بەينەلەدى.
قالا اكىمى ءابدىباقىت ماقۇلبايەۆ پەن ق ر جاپونيانىڭ توتەنشە جانە وكىلەتتى ەلشىسى يتيرو كاۆاباتا قالا كۇنىنە وراي ياساۋي داڭعىلىنداعى عيماراتتار مەكەتىنىڭ بەينەسى كەسكىندەلىپ جاسالعان تورتتى كەسىپ، ءدام تاتتى. مۇنان سوڭ، ءدامدى تورت قالا تۇرعىندارىنا تاراتىلدى.
ال، ش.قالداياقوۆ اتىنداعى مادەنيەت سارايىنىڭ تۇعىرىندا وتكەن «كەلەشەگى كەمەل – كەنتاۋ» اتتى سالتاناتتى جيىندا ءسوز العان قالا باسشىسى كوپشىلىكتى مەرەكەمەن قۇتتىقتادى.
– كەنتاۋ – حالقىنىڭ جۇرەگى كەڭ. مۇندا بىرلىك، ءوزارا قۇرمەت پەن سىيلاستىق داستۇرگە اينالعان. ونىڭ ايعاعى – قالا تۇرعىندارىنىڭ بۇگىنگى جاراسىمدى تىنىس-تىرشىلىگى جانە ورتاق شاڭىراقتا ءتاتۋ-تاتتى ءومىر ءسۇرىپ، وزدەرىنىڭ پاراسات-پارقىنىڭ جوعارىلىعىن كورسەتۋى. بۇل - كەنتاۋلىقتاردىڭ بۇرىننان قالىپتاسقان اسا قۇندى بايلىعى، بويتۇمارى دەر ەدىم. قالا باسشىسى رەتىندە وسىنداي وركەنيەتكە جول سالعان اعا بۋىن وكىلدەرىنە، ولاردىڭ ءىزىن جالعاستىرۋشى بۇگىنگى ۇرپاققا ايتار العىسىم شەكسىز، –دەدى.
سونداي-اق، قالانىڭ الەۋمەتتىك-ەكونوميكالىق، قوعامدىق-ساياسي دامۋىنا قوسقان ەلەۋلى ۇلەسى جانە ەڭبەكتەگى جوعارى جەتىستىكتەرى ءۇشىن ءبىرقاتار قالا جاناشىرلارى «كەنتاۋ قالاسىنىڭ قۇرمەتتى ازاماتى» اتاعىن الدى. سونىمەن قاتار، قالتقىسىز قىزمەتىمەن قالا دامۋىنا ەڭبەك سىڭىرگەن جانداردىڭ سۋرەتتەرى قالانىڭ قۇرمەت تاقتاسىنا ىلىنەتىن بولدى.
ءىس-شارادا قالالىق ءماسليحات حاتشىسى تالعات بالابييەۆ مەرەكەلىك لەبىزىن ءبىلدىردى. قازاقستان رەسپۋبليكاسىنداعى جاپونيانىڭ توتەنشە جانە وكىلەتتى ەلشىسى يتيرو كاۆاباتا دا قۇتتىقتاۋىن جولدادى.
مەرەكەلىك ءىس-شارانى اكتريسا جۇلدىزاي دۇيسەنبييەۆا مەن قالامىزدىڭ جاس ونەرپازى باقىت مىڭباي جۇرگىزدى. ءانشى، كومپوزيتور، ق ر ەڭبەك سىڭىرگەن ءارتىسى مارات وماروۆ اسەم اندەر ورىنداپ كوپشىلىكتىڭ ىستىق ىقىلاسىنا بولەندى. قالا ونەرپازدارى دا كەنتاۋ قالاسى جايلى اندەر شىرقادى.
قازاقستان رەسپۋبليكاسىنداعى جاپونيانىڭ توتەنشە جانە وكىلەتتى ەلشىسى يتيرو كاۆاباتا كەنتاۋ ترانسفورماتور زاۋىتىندا، قالالىق مۇراجايدا بولدى. سونداي-اق، جاپون جاۋىنگەرلەرىنە ارنالعان ەسكەرتكىشكە گۇل قويۋ راسىمىنە قاتىستى.
قالا تۇرعىندارى مەن قوناقتارى كەشكىسىن قازاقستان ونەر جۇلدىزدارىنىڭ قاتىسۋىمەن وتكەن «كەنتاۋىم – گۇل باعىم» اتتى مەرەكەلىك گالا كونسەرت پەن وت شاشۋدى تاماشالادى.
