جازعى ونلاين-مەكتەپتە ءدارىس وقۋ جانە ماستەر-كلاسستار وتكىزۋ ءۇشىن ماتەماتيكا، ينفورماتيكا جانە فيزيكا ينستيتۋتىنىڭ وقىتۋشىلار قۇرامى مەن تەستىلەۋ ورتالىعىنىڭ قىزمەتكەرلەرى تارتىلدى.
ونلاين-مەكتەپتىڭ جۇمىسىن جانداندىرۋعا ۋنيۆەرسيتەتتىڭ 180-گە جۋىق پروفەسسورلارى مەن وقىتۋشىلارى قاتىسۋدا.
جازعى مەكتەپ جۇمىسىندا كوپتەگەن تارتىمدى ونلاين-پلاتفورمالار قولدانىلۋدا. اتاپ ايتساق، «MS Teams پەداگوگيكالىق ءوزارا ارەكەت قۇرالى»، «قاشىقتىق كۋرسىنىڭ پەداگوگيكالىق ديزاينى»، «MS Teams-تەگى توڭكەرىلگەن سىنىپ»، «ينتەراكتيۆتى مازمۇندى قۇرۋدىڭ سيفرلىق قۇرالدارى: canva.com، power point + class point»، «ونلاين رەجيمىندەگى جوبالىق جۇمىس (كۆەست، ۋاقىت لەنتاسى)»، «باقىلاۋ جانە باعالاۋ پلاتفورمالارى: Wordwall»، «Oqylyq قاشىقتان وقىتۋ جۇيەسى» سىندى ماڭىزدى باعىتتار كەڭىنەن سارالانۋدا.
سونىمەن قاتار، پراكتيكالىق جۇمىستار بارىسىندا ينتەراكتيۆتى وقىتۋدىڭ ءارتۇرلى قۇرالدارىن زەرتتەۋگە، وقۋ ناتيجەلەرىن قالىپتاستىرۋ مەن باعالاۋعا ارنالعان قۇرالدارعا ەرەكشە كوڭىل بولىنەدى، ولاردىڭ كومەگىمەن اقپارات جيناقتاۋعا جانە ونى وقۋ ناتيجەلەرىمەن قالاي بايلانىستىرۋعا بولاتىندىعى تۋرالى بىلىكتىلىك قالىپتاستىرادى.
