Oqý prosesin sıfrlyq jáne dástúrli formattarda tıimdi uıymdastyrý maqsatynda Abaı ýnıversıtetiniń Testileý ortalyǵy 2021 jylǵy 23 tamyzda «Sıfrlyq pedagog – 2» Jazǵy onlaın-mektebin uıymdastyrdy, – dep habarlaıdy Dalanews.kz.

Jazǵy onlaın-mektepte dáris oqý jáne master-klasstar ótkizý úshin matematıka, ınformatıka jáne fızıka ınstıtýtynyń oqytýshylar quramy men Testileý ortalyǵynyń qyzmetkerleri tartyldy.

Onlaın-mekteptiń jumysyn jandandyrýǵa ýnıversıtettiń 180-ge jýyq profesorlary men oqytýshylary qatysýda.

Jazǵy mektep jumysynda kóptegen tartymdy onlaın-platformalar qoldanylýda. Atap aıtsaq, «MS Teams pedagogıkalyq ózara áreket quraly», «Qashyqtyq kýrsynyń pedagogıkalyq dızaıny», «MS Teams-tegi tóńkerilgen synyp», «Interaktıvti mazmundy qurýdyń sıfrlyq quraldary: canva.com, power point + class point», «Onlaın rejımindegi jobalyq jumys (Kvest, ýaqyt lentasy)», «Baqylaý jáne baǵalaý platformalary: Wordwall», «Oqylyq qashyqtan oqytý júıesi» syndy mańyzdy baǵyttar keńinen saralanýda.

Sonymen qatar, praktıkalyq jumystar barysynda ınteraktıvti oqytýdyń ártúrli quraldaryn zertteýge, oqý nátıjelerin qalyptastyrý men baǵalaýǵa arnalǵan quraldarǵa erekshe kóńil bólinedi, olardyń kómegimen aqparat jınaqtaýǵa jáne ony oqý nátıjelerimen qalaı baılanystyrýǵa bolatyndyǵy týraly biliktilik qalyptastyrady.