2009 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ «050116-گەوگرافيا» ماماندىعى بويىنشا باكالاۆرياتىن، ال 2011 جىلى ماگيستراتۋرا جانە PhD دوكتورانتۋرا ينستيتۋتىنىڭ «6م011600-گەوگرافيا» ماماندىعى بويىنشا ماگيستراتۋرا ءبولىمىن ءتامامداعان. ودان كەيىن، «6D060900-گەوگرافيا» ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىنىڭ دوكتورانتۋراسىن ءبىتىرىپ، 2017 جىلى «وڭتۇستىك قازاقستان وبلىسىنداعى اگرولاندشافتتاردىڭ دەگراداسياسى (وتىرار اۋدانى مىسالىندا)» تاقىرىبىنداعى دوكتورلىق ديسسەرتاسياسىن قورعاعان. جاس عالىمنىڭ ديسسەرتاسيالىق عىلىمي زەرتتەۋ ناتيجەلەرىن تۇركىستان وبلىسىنداعى وتىرار اۋدانىنىڭ اۋىلشارۋاشىلىق باسقارماسى اۋىلشارۋاشىلىق سالاسىن باسقارۋ، جوسپارلاۋ جانە جوبالاۋ جۇمىستارىندا پايدالانۋدا. 2017 جىلى لايسحانوۆ شاحيسلام ق ر ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتىنىڭ شەشىمىنە سايكەس، 2017 جىلعى 29 ماۋسىمداعى №987 بۇيرىعىمەن «6D060900-گەوگرافيا» ماماندىعى بويىنشا فيلوسوفيا دوكتورى (PhD) دارەجەسىن العان.
2014 جىلى لەيپسيگ ۋنيۆەرسيتەتىنىڭ گەوگرافيا ينسيتۋتىندا (گەرمانيا)، ال 2015 جىلى دوكۋچايەۆ اتىنداعى توپىراقتانۋ عىلىمي زەرتتەۋ ينستيتۋتىندا (رەسەي) 2 ايلىق تاعىلىمدامادان ءوتتى.
2014-2018 جىلدارى ءو.و. وسپانوۆ اتىنداعى قازاق توپىراقتانۋ جانە اگروحيميا عىلىمي زەرتتەۋ ينستيتۋتىندا جانە ورتالىق ازيا ەكولوگيا جانە قورشاعان ورتا عىلىمي زەرتتەۋ ورتالىعىندا ەڭبەك ەتىپ، عىلىمي زەرتتەۋلەردى گرانتتىق قارجىلاندىرۋ باعدارلاماسىنىڭ نەگىزىندە جۇزەگە اسىرىلاتىن بىرنەشە عىلىمي جوبالاردىڭ جاۋاپتى ورىنداۋشىسى بولعان.
ال، 2015-2020 جىلدارى قازاق ۇلتتىق قىزدار پەداگوگيكالىق ۋنيۆەرسيتەتىندە وقىتۋشى، اعا وقىتۋشى، دەكاننىڭ وقۋ ءىسى جونىندەگى ورىنباسارى، كافەدرا مەڭگەرۋشىسى قىزمەتتەرىن اتقاردى.
2018 جىلدىڭ مامىر ايىندا «مەن اەف-2018-گە بارامىن» رەسپۋبليكالىق بايقاۋىنا قاتىسىپ، جاhاندىق استانا ەكونوميكالىق فورۋمىنا جەڭىمپاز جولداماسىن جەڭىپ الدى. فورۋمنىڭ نەگىزگى باعىتتارىن، وندا بايانداما جاساعان الەمدىك عالىمداردىڭ يدەيالارىن جاستار اراسىندا ناسيحاتتاۋعا سەپتىگىن تيگىزدى. ال 2020 جىلى مادەنيەت جانە سپورت مينيسترلىگىنىڭ ۇيىمداستىرۋىمەن وتكەن «قازاقى تەرميندەردى حالىق جاسايدى» اتتى رەسپۋبليكالىق كونكۋرسىنا بەلسەنە قاتىسىپ، سپورت جانە مادەنيەت ءمينيسترى ا. رايىمقۇلوۆانىڭ العىس حاتىمەن ماراپاتتالدى.
2019 جىلى ق ر بعم جانىنان قۇرىلعان جاس عالىمدار كەڭەسىنىڭ قۇرامىنا ەنىپ، سول ۋاقىتتان بەرى جاس عالىمدارمەن بىرگە ەلىمىزدىڭ عىلىم سالاسىنداعى زاڭنامالىق قۇجاتتاردىڭ، مەملەكەتتىك باعدارلامالاردىڭ، ەرەجەلەردىڭ جانە تاعى باسقا نورماتيۆتىك-قۇقىقتىق قۇجاتتاردىڭ مازمۇندارىنا وزگەرىستەر ەنگىزۋ بويىنشا ۇسىنىستار ازىرلەۋ، جاس عالىمداردىڭ قۇقىقتارىن قورعاۋ، قوعامدا عىلىمدى ناسيحاتتاۋ جانە تالانتتى جاستاردى عىلىمعا تارتۋ سياقتى مەملەكەتتىك ماڭىزى بار قوعامدىق جۇمىستارمەن اينالىسىپ كەلەدى. سونداي-اق، قازاقستان جاس عالىم-پەداگوگتار قاۋىمداستىعىنىڭ جانە دۇنيەجۇزى قازاق جاس عالىمدار پلاتفورماسىنىڭ مۇشەسى رەتىندە قوعامدىق عىلىمي جۇمىستار اتقارادى.
قازىرگى تاڭدا، لايسحانوۆ شاحيسلام ءبىلىم جانە عىلىم مينيسترلىگى قارجىلاندىراتىن 2 عىلىمي جوبانىڭ جەتەكشىسى بولىپ تابىلادى: 1) AP09260017 وتىرار اۋدانىنداعى توپىراقتاردىڭ تۇزدىلىعىنىڭ جۇگەرىنىڭ وسىپ-ونۋىنە اسەرىن زەرتتەۋ جانە داقىلدىڭ ونىمدىلىگىن بولجاۋدىڭ عارىشتىق ءادىسىن ازىرلەۋ (2021-2023 جج.)؛ 2) P09058590 تۇراقتى جەر پايدالانۋ ماقساتىندا جاز مالىمەتتەرى مەن گاج پايدالانىپ، جامبىل وبلىسى تالاس اۋدانى جەرلەرىنىڭ شولدەنۋ جانە دەگراداسيالانۋ پروسەسىنە مونيتورينگ جاساۋ(2021-2023 جج.). سونداي-اق، ۋنيۆەرسيتەتىشىلىك جوبالار بويىنشا دا زەرتتەۋ جۇمىستارىن ورىنداۋدا.
شاحيسلام لايسحانوۆ وسى ۋاقىتقا دەيىن 50-دەن استام عىلىمي ەڭبەكتەرى جارىق كورگەن، ولاردىڭ ىشىندە: ق ر ءبىلىم جانە عىلىم ساپاسىن قامتاماسىز ەتۋ كوميتەتىنىڭ تىزىمىندەگى جۋرنالداردا - 11 ماقالا؛ «Scopus» جانە «Web of Science» مالىمەتتەر بازالارىنداعى يمپاكت-فاكتورلى جۋرنالدا - 5 ماقالا؛ 1 اۆتورلىق كۋالىك، 1 عىلىمي زەرتتەۋ ناتيجەلەرىن ەندىرۋ اكتىسى، 2 وقۋ قۇرالىنىڭ جانە مەكتەپگە ارنالعان 1 گەوگرافيالىق اتلاستىڭ اۆتورى.
لايسحانوۆ شاحيسلامنىڭ جاستاردى عىلىمعا باۋلۋ جۇمىستارىمەن بەلسەندى اينالىسىپ كەلەدى. ونىڭ جەتەكشىلىگىمەن ستۋدەنتەرى حالىقارالىق جانە رەسپۋبليكالىق عىلىمي زەرتتەۋ جۇمىستارى كونكۋرستارىندا جەڭىمپاز اتانعان. سونداي-اق باستاماشىل جانە جاڭاشا ويلايتىن جاستاردىڭ ءبىرى. سوڭعى جىلدارى رەسپۋبليكالىق جانە حالىقارالىق دەڭگەيدەگى عىلىمي ءىس-شارالاردى وتكىزۋدە ۇيىمداستىرۋشىلىق قىرىنان دا كوزگە كورىندى.
