اباي ۋنيۆەرسيتەتٸندە «عىلىمداعى تسيفرلىق سەرپٸلٸس: جاساندى ينتەللەكت دەۋٸرٸ» تاقىرىبى اياسىندا ٶتكەن عىلىم دەكاداسىنىڭسالتاناتتى جابىلۋ رەسٸمٸ ٶتتٸ. عىلىم قىزمەتكەرلەرٸ كٷنٸنە ورايلاستىرىلعان اۋقىمدى عىلىمي ٸس-شارادا ونكٷندٸك قورىتىندىسى شىعارىلىپ, الداعى دامۋ باعىتتار ايقىندالدى. جيىن بارىسىندا عىلىم مەن بٸلٸم سالاسىنا ٷلەس قوسقان ۋنيۆەرسيتەت قىزمەتكەرلەرٸنە قر عججب مينيسترلٸگٸ تاراپىنان ماراپاتتار تابىس ەتٸلدٸ, دەپ حابارلايدى Dalanews.kz
اباي اتىنداعى قازۇپۋ-دا 1-10 سەۋٸر ارالىعىندا ٶتكەن عىلىم دەكاداسى بارىسىندا 150-دەن استام ٸس-شارا ۇيىمداستىرىلعان. ولاردىڭ قاتارىندا حالىقارالىق عىلىمي كونفەرەنتسييالار, يننوۆاتسييالىق جوبالار مەن ستارتاپتار كٶرمەسٸ, روبوتوتەحنيكا جارىستارى, عىلىمي سەمينارلار, پەندٸك وليمپيادالار, سونداي-اق وتاندىق جەتەكشٸ جەنە شەتەلدٸك عالىمداردىڭ قاتىسۋىمەن ٶتكەن كەزدەسۋلەر بار.
– بٷگٸن بٸز بەرٸمٸز ٷشٸن ماڭىزى زور, مازمۇنى باي, تاعىلىمى تەرەڭ ونكٷندٸكتٸڭ قورىتىندىسىندا باس قوسىپ وتىرمىز. دەكادا بارىسى تەك ٸس-شارالار جيىنتىعىمەن شەكتەلمەي, بولاشاق عىلىمنىڭ ٸرگەتاسىن قالاۋعا باعىتتالعان جٷيەلٸ جۇمىستى ۇسىندى. ونكٷندٸك اياسىندا مەكتەپ پەن جوعارى وقۋ ورنى اراسىنداعى بايلانىستى نىعايتۋعا كٶزدەلگەن عىلىمي جوبالار كٶرمەسٸ, بٸلٸم بەرۋ الاڭدارى, ستارتاپتار مەن يننوۆاتسييالىق باستامالار ۇيىمداستىرىلدى. بۇل – عىلىمعا بەت بۇرعان جاس بۋىننىڭ ناقتى جەتٸستٸكتەرٸ. بيىلعى دەكادانىڭ باستى ەرەكشەلٸگٸ – تسيفرلاندىرۋ مەن جاساندى ينتەللەكت تاقىرىپتارىنىڭ كەڭٸنەن قامتىلۋى. اتالعان باعىتتاردا مازمۇندى پٸكٸر الماسۋلار جٷرگٸزٸلٸپ, ۋنيۆەرسيتەتٸمٸزدٸڭ ۋاقىت تالابىنا ساي دامىپ كەلە جاتقانى بايقالدى», – دەدٸ بولات اناپيياۇلى.
دەكادا شەڭبەرٸندە فيلولوگييا, پەداگوگيكا, پسيحولوگييا, ٶنەر, سپورت جەنە جاراتىلىستانۋ باعىتتارىنداعى عىلىمي كونفەرەنتسييالار مەن سەمينارلار ٶتكٸزٸلدٸ. سونىمەن قاتار جاس عالىمدار مەن ستۋدەنتتەرگە ارنالعان عىلىمي وليمپيادالار, TED talk فورماتىنداعى بايقاۋلار مەن عىلىمي-ينتەللەكتۋالدىق ويىندار ٶتكٸزٸلدٸ.
جابىلۋ سالتاناتىندا عىلىمدى دامىتۋعا ەلەۋلٸ ٷلەس قوسقان ۋنيۆەرسيتەت وقىتۋشىلارى مەن قىزمەتكەرلەرٸ ماراپاتتارمەن ماراپاتتالدى. تٸل ساياساتىن دامىتۋعا ەرەكشە ٷلەس قوسقانى جەنە تٸلدەردٸ دامىتۋ سالاسىن جەتٸلدٸرۋگە بەلسەندٸ اتسالىسقانى ٷشٸن «انا تٸلٸن دامىتۋعا قوسقان ٷلەسٸ ٷشٸن» تٶسبەلگٸسٸ بەرٸلدٸ. ولاردىڭ قاتارىندا فيلولوگييا عىلىمدارىنىڭ كانديداتى, شىعىس فيلولوگيياسى جەنە اۋدارما كافەدراسىنىڭ اعا وقىتۋشىسى ەلەونورا كانسەيتوۆا مەن تاريح عىلىمدارىنىڭ كانديداتى, ەجەلگٸ جەنە ورتا عاسىرداعى قازاقستان تاريحى كافەدراسىنىڭ دوتسەنتٸ بيبٸگٷل ابەنوۆا بار.
سونىمەن قاتار, قر عىلىم جەنە جوعارى بٸلٸم مينيسترلٸگٸنٸڭ «عىلىم ٷزدٸگٸ» قۇرمەت ديپلومى, «قۇرمەت» گراموتاسى جەنە العىس حاتى ۋنيۆەرسيتەت عالىمدارى مەن وقىتۋشى-پروفەسسورلار قاۋىمىنا تابىستالدى.
