Abai ýniversitetinde «Ǵylymdaǵy tsifrlyq serpilis: jasandy intellekt dáýiri» taqyryby aiasynda ótken Ǵylym dekadasynyńsaltanatty jabylý rásimi ótti. Ǵylym qyzmetkerleri kúnine orailastyrylǵan aýqymdy ǵylymi is-sharada onkúndik qorytyndysy shyǵarylyp, aldaǵy damý baǵyttar aiqyndaldy. Jiyn barysynda ǵylym men bilim salasyna úles qosqan ýniversitet qyzmetkerlerine QR ǴjJB ministrligi tarapynan marapattar tabys etildi, dep habarlaidy Dalanews.kz
Abai atyndaǵy QazUPÝ-da 1-10 sáýir aralyǵynda ótken Ǵylym dekadasy barysynda 150-den astam is-shara uiymdastyrylǵan. Olardyń qatarynda halyqaralyq ǵylymi konferentsiialar, innovatsiialyq jobalar men startaptar kórmesi, robototehnika jarystary, ǵylymi seminarlar, pándik olimpiadalar, sondai-aq otandyq jetekshi jáne sheteldik ǵalymdardyń qatysýymen ótken kezdesýler bar.
– Búgin biz bárimiz úshin mańyzy zor, mazmuny bai, taǵylymy tereń onkúndiktiń qorytyndysynda bas qosyp otyrmyz. Dekada barysy tek is-sharalar jiyntyǵymen shektelmei, bolashaq ǵylymnyń irgetasyn qalaýǵa baǵyttalǵan júieli jumysty usyndy. Onkúndik aiasynda mektep pen joǵary oqý orny arasyndaǵy bailanysty nyǵaitýǵa kózdelgen ǵylymi jobalar kórmesi, bilim berý alańdary, startaptar men innovatsiialyq bastamalar uiymdastyryldy. Bul – ǵylymǵa bet burǵan jas býynnyń naqty jetistikteri. Biylǵy dekadanyń basty ereksheligi – tsifrlandyrý men jasandy intellekt taqyryptarynyń keńinen qamtylýy. Atalǵan baǵyttarda mazmundy pikir almasýlar júrgizilip, ýniversitetimizdiń ýaqyt talabyna sai damyp kele jatqany baiqaldy», – dedi Bolat Anapiiauly.
Dekada sheńberinde filologiia, pedagogika, psihologiia, óner, sport jáne jaratylystaný baǵyttaryndaǵy ǵylymi konferentsiialar men seminarlar ótkizildi. Sonymen qatar jas ǵalymdar men stýdentterge arnalǵan ǵylymi olimpiadalar, TED talk formatyndaǵy baiqaýlar men ǵylymi-intellektýaldyq oiyndar ótkizildi.
Jabylý saltanatynda ǵylymdy damytýǵa eleýli úles qosqan ýniversitet oqytýshylary men qyzmetkerleri marapattarmen marapattaldy. Til saiasatyn damytýǵa erekshe úles qosqany jáne tilderdi damytý salasyn jetildirýge belsendi atsalysqany úshin «Ana tilin damytýǵa qosqan úlesi úshin» tósbelgisi berildi. Olardyń qatarynda filologiia ǵylymdarynyń kandidaty, Shyǵys filologiiasy jáne aýdarma kafedrasynyń aǵa oqytýshysy Eleonora Kanseitova men tarih ǵylymdarynyń kandidaty, Ejelgi jáne orta ǵasyrdaǵy Qazaqstan tarihy kafedrasynyń dotsenti Bibigúl Abenova bar.
Sonymen qatar, QR Ǵylym jáne joǵary bilim ministrliginiń «Ǵylym úzdigi» qurmet diplomy, «Qurmet» gramotasy jáne Alǵys haty ýniversitet ǵalymdary men oqytýshy-professorlar qaýymyna tabystaldy.
