بٷگٸن سەمەي قالاسىنىڭ ورتالىق الاڭىندا قاسىم قايسەنوۆ اتىنداعى №68303 ەسكەري بٶلٸمٸنٸڭ جەكە قۇرامىنا جاڭا ارنايى تەحنيكالاردىڭ كٸلتٸن تاپسىرۋ رەسٸمٸ ٶتتٸ. ٸس-شاراعا وبلىس ەكٸمٸ بەرٸك ۋەلي, تٶتەنشە جاعدايلار مينيسترٸ شىڭعىس ەرٸنوۆ قاتىستى, دەپ حابارلايدى Dalanews.kz
وبلىس قۇرىلعالى بەرٸ ٶڭٸرگە 28 ٶرت سٶندٸرۋ تەحنيكاسى مەن 24 ينجەنەرلٸ تەحنيكا بەرٸلگەن. بٷگٸن قۇتقارۋ قىزمەتٸنٸڭ قاجەتتٸلٸكتەرٸنە ارنالعان 23 تەحنيكانىڭ كٸلتٸ جٷرگٸزۋشٸلەرگە تاپسىرىلدى. ولاردىڭ قاتارىندا جوعارى ٶتٸمدٸ جٷك كٶلٸكتەرٸ, ارنايى قۇتقارۋ ماشينالارى مەن «ترەكول» كٶلٸگٸ بار.
سالتاناتتى رەسٸمدە سٶز سٶيلەگەن وبلىس ەكٸمٸ بەرٸك ۋەلي تٶتەنشە جاعدايلار مينيسترلٸگٸنە العىس ايتىپ, جاڭا تەحنيكالاردىڭ كەلۋٸ ٶڭٸر تۇرعىندارىنىڭ قاۋٸپسٸزدٸگٸ ٷشٸن جاسالعان ماڭىزدى قادام ەكەنٸن اتاپ ٶتتٸ.
«بٸزدٸڭ ايماق – ورماندى-دالالى, ٶرت قاۋپٸ جوعارى ٶڭٸر. سوندىقتان بۇل سالادا ەڭبەك ەتٸپ جٷرگەن ازاماتتارعا ارتىلار جٷك تە, سەنٸم دە مول. ولار انتىنا ادال, سەرتٸنە بەرٸك, ەلدٸڭ اماندىعىن بەرٸنەن جوعارى قوياتىن ازاماتتار. سول ەر جٷرەك ماماندارعا دا شىنايى العىسىمدى بٸلدٸرەمٸن. سونداي-اق, وقىس جاعدايلارعا ٷنەمٸ دايىن بولۋ ماقساتىندا, قاجەتتٸ قاۋٸپسٸزدٸك تەحنيكالارى كەزەڭ-كەزەڭٸمەن تولىقتىرۋ تۇراقتى نازاردا بولاتىنىن دا باسا ايتقىم كەلەدٸ», - دەدٸ ايماق باسشىسى.
كٸلت تاپسىرۋ رەسٸمٸندە سٶز العان تٶتەنشە جاعدايلار مينيسترٸ شىڭعىس ەرٸنوۆ جاڭا تەحنيكانىڭ قۇتقارۋشىلار جۇمىسىنا ٷلكەن سەرپٸن بەرەتٸنٸنە سەنٸم بٸلدٸردٸ.
شارا سوڭىندا وبلىس ەكٸمٸ تٶتەنشە جاعدايلار مينيسترٸمەن بٸرگە قۇتقارۋشىلار اللەياسىنا شىرشانىڭ جاس كٶشەتتەرٸن وتىرعىزدى.
