ششقو-نىڭ كوكپەكتى اۋدانىنىڭ ءشايجۇنىسوۆ اتىنداعى ورتا مەكتەبىندە ۇلتتىق سپورت ويىندارى كۇنىن مەرەكەلەۋگە ارنالعان جارىستار باستالدى.

اۋداننىڭ 15 مەكتەبىنىڭ 80-گە جۋىق وقۋشىسى توعىزقۇمالاق، ساداق اتۋ، اسىق اتۋ ونەرىن كورسەتەدى. بۇل ويىنداردىڭ بارلىعى ويلاۋدى، رەاكسيا جىلدامدىعىن، ەپتىلىك پەن كوزدى جاقسارتۋعا باعىتتالعان.

ءىس-شاراعا اۋداندىق ءبىلىم ءبولىمىنىڭ، اۋدان اكىمشىلىگىنىڭ وكىلدەرى، مۇعالىمدەر، وقۋشىلار، 100-گە جۋىق اتا-انالار قاتىستى.

جارىستىڭ اشىلۋ سالتاناتىنا كوكپەكتى اۋدانى اكىمىنىڭ ورىنباسارى مارات تەمىرجانوۆ قاتىسىپ، جينالعانداردى ناۋرىز مەرەكەسىمەن قۇتتىقتاپ، جارىسقا قاتىسۋشىلارعا ساتتىلىك تىلەدى.

سونداي-اق، ۇلتتىق سپورت كۇنىن مەرەكەلەۋ قۇرمەتىنە «ناۋرىزناما» ونكۇندىگى اياسىندا جارما اۋدانى قالباتاۋ اۋىلدىق وكرۋگىنىڭ اۋماعىندا قاپاي باتىر اۋىلىندا ات سپورتى تۇرلەرىنەن جارىستار ۇيىمداستىرىلدى. جارىسقا جارما اۋدانىنان دا، باسقا وڭىرلەردەن دە سپورتشىلار قاتىستى.

جارىستىڭ اشىلۋىندا اۋدان اكىمى جارقىنبەك بايسابىروۆ قۇتتىقتاۋ ءسوز سويلەپ، بىرىنشىلىككە قاتىسۋشىلارعا ساتتىلىك تىلەدى.

قاتىسۋشىلار ات سپورتى تۇرلەرىنەن ب ا ق سىناستى، سونىڭ ىشىندە تاي بايگە 3 شاقىرىم، قۇنان بايگە 5 شاقىرىم، توپ بايگە 10 شاقىرىم جانە كوكپار سايىسى.

بايگەدە 100-دەن استام قاتىسۋشىنىڭ ىشىنەن ۇزدىكتەر انىقتالدى.

توپ بايگە بويىنشا 1 ورىن - تارباعاتاي اۋدانىنان كەلگەن «سۇڭقار» سايگۇلىگى، 2 ورىن - سەمەي قالاسىنان كەلگەن «ەلامان» سايگۇلىگى، 3 ورىن – قاپاي باتىر اۋىلىنان «ەركەجيرەن» سايگۇلىگى يەلەندى.

قۇنان بايگە بويىنشا 1 ورىن - بىرلىك اۋىلىنان «القا» سايگۇلىگى، 2 ورىن – قالباتاۋ اۋىلىىنان «توما» سايگۇلىگى، 3 ورىن - قاپانبۇلاق اۋىلىنان قاتىسقان «اگاتا» سايگۇلىگى يەلەندى.

تاي بايگە بويىنشا 1 ورىن كەزەنسۋ اۋىلىنان كەلگەن «بايتەرەك» سايگۇلىگى، 2 ورىن – قاراجال اۋىلىنان كەلگەن «بۇدىرىق» سايگۇلىگى، 3 ورىن - جارىق اۋىلىنان كەلگەن «اقجۇرەن» سايگۇلىگى يەلەندى.

بارلىق جەڭىمپازدار مەن جۇلدەگەرلەر ارنايى سىيلىقتارمەن ماراپاتتالدى.