تاريحي-مادەني مۇرانى ساقتاۋ، دامىتۋ جانە مادەنيەتكە دەگەن سۇيىسپەنشىلىكتى ارتتىرۋ ماقساتىندا اباي وبلىسى اكىمىنىڭ ماقۇلداۋىمەن وقۋشىلار اراسىندا تۋريستىك-ولكەتانۋ قوزعالىسىن دامىتۋ جۇمىستارى باستالدى.
2023 جىلعى قاراشا ايىندا تۋريستىك، ەكولوگيالىق باعىتتاردى جانە مەكتەپ مۇراجايلارىن دامىتۋ جۇمىستارىن قامتيتىن العاشقى ولكەتانۋ وتريادتارى قۇرىلدى.
قازىرگى تاڭدا 7-8 سىنىپ وقۋشىلارىنان قۇرىلعان 72 جاساق جۇمىس ىستەپ تۇر. وترياد قۇرامىندا 700-گە جۋىق وقۋشى بار.
ولكەتانۋشىلار ەسكەرتكىش اۋماعىن باقىلاپ، وبلىس كارتاسىندا ءوز اۋىلدارىنىڭ ورنالاسقان جەرىن انىقتاپ، تابيعي جانە تاريحي ەسكەرتكىشتەردى، بەلگىلى تۇلعالاردىڭ ءومىربايانىن زەرتتەيدى.
وقۋ جىلىنىڭ قورىتىندىسى بويىنشا ەڭ بەلسەندى وتريادتار ولكەتانۋشىلاردىڭ جازعى 3 كۇندىك سلەتىنە قاتىسۋ قۇقىعىنا يە بولادى. جۇمىس “پرييرتىشە” جانە “يستوك” قوعامدىق بىرلەستىكتەرىمەن ىنتىماقتاستىقتا اتقارىلۋدا.
ايتا كەتەيىك، ولكەنتانۋشىلار وتريادى ەلىمىز بويىنشا اباي وبلىسىندا عانا قۇرىلىپ وتىر. جوسپار بويىنشا كەلەسى جىلى وترياد سانىن كوبەيتىپ، جۇمىستى جانداندىرۋ كوزدەلگەن. وترياد جىل بويى جۇمىستارىن جۇرگىزىپ، ارنايى ۇيىمداستىرىلعان كونكۋرستار اياسىندا تاپسىرمالار ورىندايدى.
