Tarihi-mádeni murany saqtaý, damytý jáne mádenietke degen súiispenshilikti arttyrý maqsatynda Abai oblysy ákiminiń maquldaýymen oqýshylar arasynda týristik-ólketaný qozǵalysyn damytý jumystary bastaldy.
2023 jylǵy qarasha aiynda týristik, ekologiialyq baǵyttardy jáne mektep murajailaryn damytý jumystaryn qamtityn alǵashqy ólketaný otriadtary quryldy.
Qazirgi tańda 7-8 synyp oqýshylarynan qurylǵan 72 jasaq jumys istep tur. Otriad quramynda 700-ge jýyq oqýshy bar.
Ólketanýshylar eskertkish aýmaǵyn baqylap, oblys kartasynda óz aýyldarynyń ornalasqan jerin anyqtap, tabiǵi jáne tarihi eskertkishterdi, belgili tulǵalardyń ómirbaianyn zertteidi.
Oqý jylynyń qorytyndysy boiynsha eń belsendi otriadtar ólketanýshylardyń jazǵy 3 kúndik sletine qatysý quqyǵyna ie bolady. Jumys “Priirtyshe” jáne “Istok” qoǵamdyq birlestikterimen yntymaqtastyqta atqarylýda.
Aita keteiik, ólkentanýshylar otriady elimiz boiynsha Abai oblysynda ǵana qurylyp otyr. Jospar boiynsha kelesi jyly otriad sanyn kóbeitip, jumysty jandandyrý kózdelgen. Otriad jyl boiy jumystaryn júrgizip, arnaiy uiymdastyrylǵan konkýrstar aiasynda tapsyrmalar oryndaidy.
